POP 5

Lajmet më të lexuara të 5 minutave të fundit

Sociale

Pranimet në fakultete/ Dekanët: Sivjet mesatarja më e lartë, të rinjtë të ndjekin fazat e regjistrimit për vendet bosh

Nisin më 30 gusht regjistrimet e maturantëve të shpallur fitues në fazën e parë të pranimeve në universitete. Katër dekanë të Universitetit të Tiranës kanë pohuar se këtë vit mesatarja e pranimeve ka qenë e lartë.

Duke nisur nga data 30 gusht deri më 12 shtator të gjithë maturantët e shpallur fitues në fazën e parë të pranimeve duhet të kryejnë regjistrimet pranë fakulteteve. Katër dekanë të Universitetit të Tiranës, të cilët kanë edhe fluksin më të madh të kërkesave, kanë pohuar se këtë vit mesatarja e pranimeve ka qenë e lartë.

Si aplikime janë 20320, si numër aplikantësh janë 10850. Ajo që verifikohet është cilësia e lartë e maturantëve, nga nota mesatare 9.9 dhe më e ulëta për fituesit e shpallur në fazën e parë është 9.6.

Dhori Kule, Dekan i Fakultetit Ekonomik

Për maturantët që nuk janë shpallur ende fitues, dekanët u kanë bërë apel të rinjve që të ndjekin me kujdes fazat e regjistrimit, për të përfituar nga vendet e mbetura bosh pas raundit të parë.

Në raundin e parë  380 vende sikur të regjistrohen të gjithë fituesit e shpallur, 380 vende mbeten bosh, sepse janë fitues në disa degë.

Dhori Kule, Dekan i Fakultetit Ekonomik

Ne shkojmë edhe tej  numrit 2 mijë të aplikantit të renditur në klasifikim dhe se ata studentë që kanë preferenca , por që ajo preferencë nuk u ka dalë, me kalimin e fazave në raundin e dytë, kanë të drejtë të riaplikojnë.

Artan Hoxha, Dekani i Fakultetit Juridik

Duke përfituar nga dalja për regjistrimet e maturantëve, dekanët kanë folur edhe për ngërçin e krijuar prej një viti në Universitetin e Tiranës.

Gjatë muajit gusht ministria ka përcjellë raportin përfundimtar, gjetjet, verifikimet, shkeljet janë të rënda, presim respektimin e ligjit, nuk ka rrugë tjetër.

Dhori Kule, Dekan i Fakultetit Ekonomik

Krahas pranimeve të reja, nga 3-14 shtator në fakultetet e Tiranës, do ta hapen edhe regjistrimet për studentët që duan të transferojnë studimet pranë Universitetit të Tiranës.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit