POP 5

Lajmet më të lexuara të 5 minutave të fundit

Ekonomi

Pr/buxheti 2024/ 51 milionë lekë për ndërtimin e rrugës lidhëse Aeroporti Ndërkombëtar i Vlorës – autostrada Fier-Vlorë

Shifrat janë publikuar në relacionin e projektbuxhetit dorëzuar në Kuvend.

Pr/buxheti 2024/ 51 milionë lekë për ndërtimin e rrugës lidhëse Aeroporti Ndërkombëtar i Vlorës – autostrada Fier-Vlorë

Foto: Ndërtimet në aeroportin e Vlorës

Në projektbuxhetin për vitin 2024 planifikohen 51 milionë lekë për ndërtimin e rrugës lidhëse Aeroporti Ndërkombëtar të Vlorës (VIA) – autostrada Fier-Vlorë.

Gjatë këtij viti fondi ishte 30 milionë lekë, ndërsa në vitin 2025 planifikohet të investohen 69.2 milionë lekë. Shifrat janë publikuar në relacionin e projektbuxhetit dorëzuar në Kuvend.

Ulja e avionit të parë në pistën e aeroportit të Vlorës pritet të bëhet në verën e 2025

Më 20 prill 2021 u nënshkrua kontrata me kompaninë fituese për ndërtimin e aeroportit të Vlorës, që pritet të ndërtohet brenda 4 viteve të ardhshme dhe do të jetë i tretë aeroport në vend ku fluturimet do të jenë transoqeanike. Fitues për ndërtimin e tij u shpall konsorcium kompanish të themeluara në Zvicër, ku pjesa më e madhe e aksioneve 50% zotërohet nga Mabetex, kompania e biznesmenit Behgjet Pacolli, dhe 48% nga YDA Group firma që po ndërtoi Spitalin e Fierit me bazë në Ankara dhe 2% nga 2A group.

Konsorciumi fitues ofroi një vlerë investimi prej 103.9 milionë Eurosh dhe do të ketë operimin për 35 vjet të pistës së aeroportit.  Aeroporti i Vlorës do të jetë edhe baza për flotën e avionëve Air Albania, ndërsa për herë të parë aty do të ketë një zonë të veçantë për mirëmbajtjen e avionëve, një shërbim i ri i kërkuar nga kompani të huaja, i cili do të përkthehet në të ardhura dhe vende pune shtesë për zonën.

Po kështu është parashikuar ndërtimi i rrugës, lidhja e autostradës Milot-Morinë me aeroportin e Kukësit dhe në pr/buxhetin për vitin 2024 planifikohen 52 milionë lekë. Viti i përfundimit të projektit do të jetë 2026

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Stamatina: 06/11/2023 09:37

    Bravo Bravo Bravo, mezi po e presim .Bravo kryeministrit tone per cdo gje ka bere per Shqiperine,jemi krenare per ju!!

    Përgjigju
  • Qeveria dhe Turpi: 06/11/2023 00:06

    Firma turke, u terhoq nga kontrata, ndryshe ajo ish operatori qe mbulonte zerin e eksperiences se ndertimeve aeroportuale, e vetmja, u terhoq nga konsorcum ai qe dinte ta bente ate gje, dhe po vazhdohet vecx nga firma e Pacolit.. Cuditerisht qeveria shqiptare e la te vazhdonte punimet. askush nuk thote qe ne rast mos realizim fitimesh qeveria e Rames, mbulon fitimin e munguar pacollit i cili po punohn me leket qe do i marri taksapaguesve shqiptar dhe fitimin e con jashte shqiperise per vehte. Ky eshte turpi i asaj qe quhet Shqiperi dhe atyre qe e dejtojne dhe atyre qe i bejne fresk

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit