POP 5

Lajmet më të lexuara të 5 minutave të fundit

Politikë

Presidenti Begaj dekreton ndryshimet e kabinetit qeveritar, firmos emërimin në detyrë të 7 ministrave të rinj

Presidenti Bajram Begaj dekreton emërimin në detyrë të ministrave të rinj

Menjëherë pas kthimit nga vizita zyrtare në Kazakistan, Presidenti Bajram Begaj hodhi pa asnjë hezitim firmat për ndryshimet e kabinetit qeveritar që kryeministri Edi Rama bëri publike në Asamblenë Kombëtare të PS-së të mbledhur më 4 shtator. Ndërsa lista e dërguar nga kryeministria mbërriti në institucionin e Presidencës dy ditë më pas.

Ditën e hënë rreth orës 14 :00 do të zhvillohet seanca e posaçme parlamentare për votim të ministrave të rinj. Po të hënën pas seancës, ministrat do të betohen në presidencë.

Ndryshimet e reja në qeveri konsistuan në largimin e 4 ministrave dhe emërimin e ministrave të rinj si dhe me shkrirjen e ministrisës së Shtetit për Standardet dhe Shërbimet dhe krijimin e një ministrie të re,Ministrinë e Pushtetit Vendore.

Nga e hëna në kabinetin e ri qeveritar do të jetë me Igli Hasani, Ministër për Europën dhe Punët e Jashtme, Ervin Mete, Ministër i Financave dhe Ekonomisë, Arbjan Mazniku, Ministër i Pushtetit Vendor (Ministri e re), Delina Ibrahimaj, Ministër Shteti për Sipërmarrjen dhe Klimën e Biznesit, Ogerta Manastirliu, Ministër i Arsimit dhe Sporti, Albana Koçiu Ministre e Shëndetit dhe Mirëqenies Sociale, Anila Denaj, Ministër i Bujqësisë dhe Zhvillimit.

Ndërsa Olta Xhaçka, Frida Krifca, Evis Kushi, Edona Bilali dhe Milva Ekonomi nuk do të jenë më pjesë e qeverisë. Ogerta Manastriliu e cila deri tani drejtonte Ministrinë e Shëndetësisë do të marrë drejtimin e Ministrisë së Arsimit dhe Sportit. Nga ana tjetër Delina Ibrahimaj e cila drejtojnte Ministrinë për Ekonominë dhe Financa do të marrë drejtimin e Ministër Shteti për sipërmarrjen dhe klimën e bizensit, duke zevendësuar Edona Bilalin. 

Dekretohet emërimi i
Igli Hasani, Ministër për Europën dhe Punët e Jashtme
Ervin Mete, Ministër i Financave dhe Ekonomisë
Arbjan Mazniku, Ministër i Pushtetit Vendor (Ministri e re): 
Delina Ibrahimaj, Ministër Shteti për Sipërmarrjen dhe Klimën e Biznesit
Ogerta Manastirliu, Ministër i Arsimit dhe Sporti
Albana Koçiu Ministre e Shëndetit dhe Mirëqenies Sociale
Anila Denaj, Ministër i Bujqësisë dhe Zhvillimit  

 

Dekretohet shkarkimi i
Olta Xhaçka nga posti i Ministrit për Europën dhe Punët e Jashtme
Delina Ibrahimajt nga posti i Ministrit të Financave dhe Ekonomisë
Edona Bilali nga posti i Ministrit të Shteti për Sipërmarrjen dhe Klimën e Biznesit
Ogerta Manastirliu nga posti i Ministrit të Shëndetit dhe Mirëqenies Sociale
Evis Kushi nga posti i Ministrit të Arsimit dhe Sporti
Frida Krifca nga posti i Ministrit të Bujqësisë dhe Zhvillimit
Milva Ekonomi nga posti i Ministria e Shtetit për Standardet dhe Shërbimet. Kjo ministri shkrihet.

 

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ushtari: 09/09/2023 10:55

    Nga avioni ne zyre me vrap se bente vaki me i firmos neser ku do futeshe o i zi me boje..ah medet per kete popull kush e perfaqson

    Përgjigju
  • Shqipëria: 09/09/2023 10:39

    Nuk e prisja, ky po hahet dhëmb më dhëmb me qeverinë, asnjeri nuk i priste këto dekretime. KUKULL, ishim anku me Liken.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit