'Priten reshje intensive në qarkun e Shkodrës' parashikimi i IGJEUM për të papriturat e motit

Situata në vendin tonë vazhdon të jetë kritike, ku reshjet intensive të shiut kanë përmbytur shumë toka bujqësore dhe banesa në qarkun e Shkodrës. Por parashikimet nuk janë optimiste edhe për ditët në vijim.

IGJEUM njofton se sot pasdite si dhe ditën e nesërme priten reshje intensive në qarkun e Shkodrës dhe mesatare në qarqet e tjera, njofton IGJEUM. Ndërkohë në qarqet Kukës, Vlorë dhe Gjirokastër priten reshje lokalisht intensive.

Në verilindje dhe juglindje të vendit, reshjet mund të jenë në formë dëbore në lartësitë më të mëdha se 600m mbi nivelin e detit.

Sakaq sipas llogaritjeve të IGJEUM, nivelet e ujit në Liqenin e Shkodrës dhe Lumin Buna do të vazhdojnë të jenë të larta dhe të qëndrueshme. Në lumenjtë e tjerë në gjithë territorin pritet rritje e prurjeve, por nuk pritet rrezik i shtuar nga përmbytjet.

Nga intensiteti i lartë i reshjeve, mund të vërehen vërshime të shkurtra lokale në zonat malore ose qendrat urbane në varësi të sistemit të kanalizimeve. Ky informacion do të përditësohet nga IGJEUM sipas llogaritjeve më të fundit hidrologjike, dhe do të njoftoheni për çdo ndryshim në parashikimin e rrezikut të përmbytjeve.

2785 sipërfaqe toke janë ende nën ujë në Shkodër. Bashkia e Shkodrës ditën e sotme në bilancin e raportuar bëri me dije se rruga e fshatit Obot është e kalueshme me mjete të larta dhe si pasojë e përmbytjeve ujësjellësi Oblika 1 është jashtë funksionit.

TAG:
• Shkoder
• permbytje
• reshje shiu
• IGJEUM

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë