POP 5

Lajmet më të lexuara të 5 minutave të fundit

Kronikë

Prokurori Emror Kasaj 'harron' pasuritë, drejt shkarkimit nga KPK! ILDKPI: S’justifikon burimet

Prokurori i Gjirokastrës Emror Kasaj doli para komisionit të vetingut, ku u përball me një sërë pretendimesh se ka fshehur pasuritë, ka bërë deklarime të rreme si dhe nuk ka burime për justifikimin e tyre. Përveç probleme me pasurinë, Kasaj njihet edhe për disa episode vendimmarrjesh në kundërshtim me ligjin.

TIRANË- Fshehje pasurie, deklarim të rremë dhe pasuri të pajustifikuara është ajo që ka konstatuar Komisioni i Pavarur i Kualifikimit për prokurorin e Gjirokastrës Emror Kasaj. Sipas KPK, Kasaj ka deklaruar sipërfaqe toke arë në Përmet, por jo një banesë me sipërfaqe 102 metra katrorë dhe as burimet. 

Po ashtu, ai ka deklaruar një arë me sipërfaqe 1 mijë metra katror në Yzberisht me vlerë 2,5 milionë lekë, ku zotëron 50% të saj. Sipas verifikimeve, për pasurinë tokë arë ka bërë deklarim të rremë dhe nuk ka patur të ardhura të ligjshme për blerjen e tokës me një ndërtesë tre katëshe në të. 

Para Komisionit të pavarur të kualifikimit, ai pretendoi se burimi i pasurisë, është puna e tij dhe e bashkëshortes ndër vite.

Po ashtu, prokurori i Gjirokastrës nuk ka deklaruar vlerën e investimit për një pronë të dhuruar nga babai kur ishte student. Nga deklarimet vihet re diferencë e theksuar të vlerës së deklaruar në 2003 në raport me deklarimet e mëvonshme. 
Sipas komisionit të vetingut, Prokurori Emror Kasaj rezulton se nuk ka të ardhura për të justifikuar pronat dhe mjetet e blera, si dhe ka dhënë disa hua.
Sa i përket tokës në Yzberisht, Kasaj ka bërë deklarim të rremë pasi ka përdorur emrin e vjehrrës për të fshehur të ardhurat e paligjshme. 

Kasaj është një emër i lakuar në drejtësi për vendimmarrje të diskutueshme. Në korrik të vitit 2019, prokurori i Gjirokastrës Emror Kasaj liroi nga qelia Erigers Mihasin, i cili u ekzekutua bashkë me shokun e tij Armando Dumani, në 13 nëntor 2021, në zonën e Astirit në Tiranë. Në tetor të vitit 2021, Prokurori Emror Kasaj arrestoi dhe më pas mbylli në një konvikt një kryefamiljar italian në Gjirokastër, pasi sipas tij kishte marrë një rulo me qera dhe kërkonte që ta shiste në Shqipëri. Katër fëmijë të mitur dhe bashkëshortja e italianit qëndruan më shumë se sa një muaj në rrugët e Gjirokastrës. Gjykata e Apelit e gjeti të pabazë arrestimin dhe i hoqi masën e arrestit shtëpiak italianit.

B.K./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit