POP 5

Lajmet më të lexuara të 5 minutave të fundit

Politikë

PSD bashkon votat me PS në Këshillin Bashkiak të Shkodrës, miratohet harta e hapësirave publike në plazhin e Velipojës! Debat për teatrin ‘Migjeni’

Nuk ka prodhuar surpriza mbledhja e radhës e këshillit të bashkisë Shkodër. Me shumicë votash është miratuar harta e hapësirave publike ku këtë vit në Velipojë do të ketë 35% plazh publik.

PSD bashkon votat me PS në Këshillin Bashkiak të Shkodrës, miratohet harta e hapësirave publike në plazhin e Velipojës! Debat për teatrin ‘Migjeni’

Nuk ka prodhuar surpriza mbledhja e radhës e këshillit të bashkisë Shkodër. Edhe pse pritej me interes të shihej se si do të shkonte vota e PSD në mbledhjen e Këshillit Bashkiak pas largimit të kryetares së Qarkut dhe 2 drejtorive që deri dje drejtoheshin nga social demokratet, anëtarët e këshillit të kësaj force politike kanë votuar pro propozimeve të paraqitura nga administrata e bashkisë Shkodër.

Në këtë mbledhje, është diskutuar për hapësirat e plazhit në Velipojë dhe liqenin e Shkodrës, ku me shumicë votash është miratuar harta e hapësirave publike ku këtë vit në Velipojë do të ketë 35% plazh publik.

Ndërkohë që ndihma ekonomike dhe rastet e fatkeqësisë nga zjarri për mbështetje financiare kanë marrë miratimin e këshilltarëve të bashkisë Shkodër.

Në diskutimet jashtë rendit të ditës nuk kaloi pa vëmendje edhe çështja e teatrit Migjeni, ku këshilltarët e opozitës e risollën edhe njëherë në vëmendje.

Nënkryetari i Bashkisë Shkodër, Onid Bejleri ritheksoi se nuk ka asnjë shkrirje, por rritje të vëmendjes në planin artistik të drejtuesve të institucioneve ndërkohë që mirëmbajtja do të kryhet nga Drejtoria e re pranë bashkisë Shkodër, e cila do të këtë në fokus të punës mirëmbajtjen e te gjithë godinave të bashkisë Shkodër.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ethemi: 01/02/2024 11:09

    Po normalisht që opozitës nuk i intereson mirmbajtja e godinave!Kanë mbajtur godinat që i takojnë Bashkisë në gjëndje të mjeruar për 30 vite të marrur peng Baskinë.Beneti sikur Shkodren po e kthen në normalitet,me rrugë,Pallatet po i rregullon,që janë të pa rregulluar që në kohen e përparshme,dhe tani bohen gjeloz për punët që po bon Beneti.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit