Putin e quan hetimin për helmimin e Navalny 'një truk'

Presidenti rus Vladimir Putin ka hedhur poshtë  të gjitha akuzat e ngritura ndaj Rusisë për infektimin e liderit opozitar Alexei Navalny.  Ai akuzoi Navalny për marrjen e ndihmës nga shërbimet sekrete amerikane.

Putin akuzoi se hetimi i ndërmarrë nuk ishte një hetim i vërtetë por një hile, që synonte të dëmtonte krerët më të lartë të vendit.

"Kjo do të thotë që ky pacient në klinikën e Berlinit Navalny, ka mbështetjen e shërbimeve të inteligjencës amerikane." Prandaj, shtoi ai, "shërbimet speciale ruse sigurisht që duhet ta ndjekin atë".

 Ai e uli Navalny, duke thënë "çfarë dobie ka ai?" Ai shtoi, duke qeshur, se nëse agjentët rusë do të kishin dashur ta helmonin Navalny "ata ndoshta do të kishin përfunduar punën".

Navalny mbijetoi me vështirësi nga helmimi në gusht, duke kaluar javë në kujdesin intensiv në një spital të Berlinit. Specialistët perëndimorë vërtetuan se një lloj agjenti nervor rus Novichok ishte përdorur në sulm - një agjent që mund të vinte vetëm nga një institucion shtetëror.

Navalny akuzon Putin për drejtimin e një administrate thellësisht të korruptuar dhe hetimet e tij kanë tërhequr miliona ndjekës në mediat sociale.

Në një konferencë të gjerë për shtyp, në televizion, Putin - në pushtet që nga viti 2000 - gjithashtu tha se ai nuk kishte vendosur ende nëse do të kandidonte për presidencën përsëri në 2024.

TAG:
• SHBA
• rusia
• vladimir putin
• Alexei Navalny
• Helmimi i Navalny
• agjente ruse

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë