POP 5

Lajmet më të lexuara të 5 minutave të fundit

Politikë

'Rama mashtroi mbi 3500 qytetarë dibranë', PD kërkon anulimin e koncesionit për Llixhat e Peshkopisë

Partia Demokratike ka akuzuar këtë të hënë kryeministrin Edi Rama se ka dhënë koncesion korruptiv në ujërat termalë "Llixhat e Peshkopisë". Deputeti i saj, Xhemal Gjunkshi u shpreh në një deklaratë për mediat se procedura "korruptive" e koncesionit cënon drejtpërsëdrejti interesat e mbi 3500 banorëve të qytetarëve dibranë dhe favorizon interesat e qeverisë Rama.

'Rama mashtroi mbi 3500 qytetarë dibranë', PD kërkon anulimin e koncesionit për Llixhat e Peshkopisë

Deputeti i PD-së Xhemal Gjunkshi

Deputeti i Partisë Demokratike, Xhemal Gjunkshi ka akuzuar kryeministrin Edi Rama se ka mashtruar dibranët, duke dhënë koncesion korruptiv në ujërat termale “Llixhat e Peshkopisë”. 

Duke përmendur tenderat e koncesionet e Unazës së Re apo HEC-ëve si korruptive, Gjunkshi tha se koncesioni në "Llixhat e Peshkopisë" është i dhënë në të njëjtën mënyrë, e për këtë arsye duhet anuluar e personat përgjegjës të vihen përpara drejtësisë.

Gjunkshi tha se banorët presin anulimin e menjëhershëm të procedurës së koncesionit, në të kundërt do të ketë protesta.

Prej disa ditësh, Partia Demokratike ka denoncuar aferën e dhënies me koncesion të ujërave termale “Llixhat e Peshkopisë”. Ne jemi angazhuar të jemi në krah të banorëve në protestat e tyre dhe këmbëngulim deri në zbardhjen e plotë të kësaj afere dhe nxjerrjen e përgjegjësve që janë përzier në të. Ky koncesion i dhënë pothuajse njësoj, me të njëjtat praktika korruptive, si tenderat e koncesionet e Unazës së Re apo HEC-eve, duhet të anulohet dhe personat përgjegjës të vihen përpara drejtësisë. Partia Demokratike siç ka mbështetur banorët e Astir-it prej afro 80 ditësh, do të mbështesë banorët e Llixhave dhe qytetarët e Dibrës deri në anullimin e këtij konçesioni.

Xhemal Gjunkshi, Deputet i Partisë Demokratike

Gjunkshi tha më tej se procedura e koncesionit cënon drejtpërsëdrejti interesat e mbi 3500 banorëve të qytetarëve dibranë dhe favorizon interesat korruptive të qeverisë Rama.

Me kete aktivitet jane te lidhur mbi 35 hotele, mbi 200 shtepi pritëse (biznese familjare).Banorët e Dibrës e dinë mirë se nëse Qeveria Rama do kishte qenë e përgjegjshme dhe dashamirëse me Dibrën, do i kishte anulluar edhe HEC-et e Çidhnës dhe nuk do e shkatërronte Kanionin e Setës, ashtu siç ka thënë se do të anullojë HEC-et mbi Vjosë apo ato të Kanionit të Holtës.

Xhemal Gjunkshi, Deputet i Partisë Demokratike

/xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit