POP 5

Lajmet më të lexuara të 5 minutave të fundit

Politikë

Rama publikon të dhënat: Platforma "Shqipëriaqëduam" zgjidhi 13 mijë halle

Kryeministri Edi Rama ka publikuar të dhënat e mbledhura për problemet e zgjidhura nga platforma Shqipëriaqëduam.al. Rama thotë se në 10 muaj janë zgjidhur 13 mijë e 694 probleme.
Rama publikon të dhënat: Platforma

Kryeministri Edi Rama

Kryeministri Edi Rama, në një postim të fundit të Facebook, ka njoftuar për  rezultatet e platformës “Shqipëriaqëduam.al”. Rama shkruan se në 10 muaj kjo platformë ka bërë të mundur zgjidhjen e problemeve të qytetarëve.

Rama thotë se 9.454 qytetarë kanë përdorur platformën dhe janë zgjidhur 13.694 probleme.

Postimi i plotë:

Për të gjithë ju RAPORTI 10 MUJOR I PLATFORMËS shqiperiaqeduam.al

Bashkëqeverisja me njerëzit e zakonshëm, në 10 muaj ka marrë jetë si një praktikë efikase ndërveprimi mes qytetarëve dhe qeverisë, duke dëshmuar vlerën dhe potencialin e saj të jashtëzakonshëm për Shqipërinë që Duam.

9.454 qytetarë pa dallim moshe, gjinie, statusi social, bindjeje e përkatësie politike, numërohen sot, 10 muaj nga ndezja e platformës, si përdorues e kontribues të koalicionit tonë bashkëqeverisës për Shqipërinë që Duam.

Me vetëm një mesazh, në adresën shqiperiaqeduam.al qytetari ka në dispozicion të drejtpërdrejtë qeverinë, përmes ministrit përkatës që adreson menjëherë rrugën e trajtimit të përmbajtjes së mesazhit të qytetarit.

Zgjidhja përmes kësaj platforme, në vetëm 10 muaj, e 13,694 halleve e problemeve konkrete të njerëzve konkretë të këtij vendi, është një afirmim kuptimplotë i këtij mekanizmi inovativ që fuqizon qytetarin. Vendos qeverinë gjithnjë e menjëherë në krah të tij. Garanton ndërveprimin e suksesshëm mes tyre në të mirë të çdo qytetari dhe identifikimin e punonjësve që duhet të mbajnë përgjegjësi për mosdhënien e shërbimeve të duhura për qytetarët.

Nuk ka më asnjë dyshim!

Platforma shqiperiaqeduam.al është rruga jonë e e re, e shkurtër dhe e shpejtë, për të zgjidhur së bashku hallet e problemet tuaja me administratën. Po ashtu, shqiperiaqeduam.al është edhe fuqia jonë e përbashkët kundër parazitizmit e korrupsionit në zyrat e shërbimeve të shtetit për qytetarin.

Mos ngurroni dhe as mos humbni kohë! Zgjidhni shqiperiaqeduam.al për të zgjidhur hallin a problematikën Tuaj, duke e përcjellë fjalën Tuaj drejt e në qeveri dhe kësisoj ndikoni edhe që, hap pas hapi, në çdo zyrë të shtetit tonë njerëzit e zakonshëm të marrin në kohë e me cilësi, shërbimin që meritojnë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 03/08/2018 22:02

    Rilindja urbane dhe portali "Shqiperia qe duam jane toaret kryesore dhe shume pozitive te qeverisjes suaj

    Përgjigju
  • Tutu: 03/08/2018 14:06

    Je bere si Ali Pazari ne vaktit....

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit