POP 5

Lajmet më të lexuara të 5 minutave të fundit

Politikë

Raporti I KE-së, Zhupa: Liria e Medias një nga pjesët më të zeza! Do propozoj gjoba më të larta për zytarët që nuk japin informacion

Një nga pjesët më të zeza të progres-raportit e quajti kryetarja e Komisionit të Medias, Ina Zhupa kapitullin ku flitet për lirinë e shtypit në Shqipëri. PD kërkon ndryshime ligjore për shkurtimin e afatit që mediat presin për të marrë përgjigje nga institucionet dhe të lehtësohet aksesi në informacion për gazetarët.

Tirane- Me progres-raportin e Komisionit Europian për Shqipërinë në duar, kryetarja e Komisionit për Edukimin dhe Mjetet e Informimin, Ina Zhupa, kapitullin për lirinë e medias e quajti një nga pjesët më të zeza të atij dokumenti.

“Një nga pjesët më të zeza ishte pjesa e lirisë së shprehjes dhe lirisë së medias, tha Zhupa.

Zhupa thotë se nevojitet reflektim i thellë, fillimisht i institucioneve, teksa akuzon qeverinë se nuk ka vullnetin e duhur për të përmirësuar lirinë e medias më vend.

Ajo që vinte në dukje BE është një sjellje intimiduese ndaj gazetarëve, vullnet i mazhorancës për të mos kaluar asnjë ligj që rrisnin sigurinë dhe garancinë për gaztorët dhe është vullnet për ta mbajtur si një flluskë të mbyllur aktivitetin qeveritar. Liria e medias jo vetëm varet shumë nga qeveria dhe nga Kuvendi, por edhe nga gjuha në të cilën ne politikanët i drejtohemi gazetarëve apo tentojmë të intimidojmë gazetarët. Për mua është e rëndësishme që ky raport të lexohet qartësisht nga Kuvendi i Shqipërisë, të lexohet qartësisht nga ky komision dhe të merren hapat e duhur të paktën për adresimin e kuadrit legjislativ në mënyrë që të avancojmë në axhendën që na ka vendosur BE” u shpresh ajo.

Të njëjtin reflektim, kërkon edhe nga kolegët e saj në opozitë.

“Edhe për kolegët e mi do të reagoj njësoj”

Zhupa tha se do të propozojë ndryshime ligjore për të lehtësuar marrjen e informacionit nga gazetarët.

Do kërkoj ndryshime legjislative për të kufizuar kohën e marrjes së informacionit, plus ndëshkim më të lartë nëse nuk jepet informacioni"

Në konferencën për gazetarët, Zhupa kritikoi edhe Radio televizionin Shqiptar, I cili tha ajo ende nuk ka hapur garën për drejtorin, pas dorëheqjes së Alfred Pezës.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit