POP 5

Lajmet më të lexuara të 5 minutave të fundit

Sport

Reali s'e fal Barçën në 'El Clasico', merr kryesimin e La Liga-s! Katalanasit ndezin polemikën për penalltinë (VIDEO)

Golat e Benzemas dhe Kros i kanë dhënë fitoren 2-1 Real Madrid në El Clasico kundër Barcelonës. Për pasojë ‘galaktikët’ kanë marrë të paktën përkohësisht kreun e La Liga-s.

Real Madrid i ka treguar edhe njëherë Barcelonës se këtë sezon katalanasit nuk mund të maten me ta. ‘Galaktikët’ kanë fituar 2-1 edhe El Clasico-n e dytë, duke u ngjitur në krye të klasifikimit me 66 pikë, po aq sa Atletico Madrid që ka një ndeshje më pak.

Në ‘Alfredo di Stefano Stadium’ ndeshja u zhbllokua që në minutën e 13, me Benzema-n që ekzekutoi në mënyrë të përkryer me thembër. Në pjesën e parë dukej një Barcelonë e fikur dhe nga kjo përfitoi skuadra e Zidan, që me Toni Kros dyfishoi shifrat, falë edhe një devijimi.

Në pjesën e dytë Barcelona ndryshon skemë dhe lojtar. Për pasojë të presionit në rritje Mingueza shkurton shifrat në minutën e 60, duke rihapur sfidën. Deri në fund katalanasit tentuan në të gjithë mënyrat, por nuk e evituan humbjen. Për t’u veçuar një episd në minutën e 83 me Mendy-n që rrëzoi brenda zonës sulmuesin Braithëaite. Për arbitrin asgjë, madje edhe VAR nuk ndërhyri duke sjellë irritim të katalanasit. Gjithsesi po të mos kishte qenë për tranversën e sekondave të fundit ndeshja do ishte mbyllur në barazim.

Pavarësisht humbjes Barcelona mbetet në garë për titull, pasi në rastin më të keq shkon -4 pikë nga Atletico kur kanë mbetur edhe 8 javë kampionat.

Ndërkohë në Seria A Milan ka hedhur një hap të sigurtë drejt konsolidimit të vendit të dytë, pasi ka mposhtur 1-3 Parmën për llogari të javës së 30 të Seria A. Djalli shënoi që në minutën e tetë me Rebic, ndërsa në fundin e pjesës së parë dyfishoi me Kessie. Goli i vendave në pjesën e dytë ndikoi vetëm në ritmin e ndeshjes, pasi Leao në sekondat e fundit vulosi gjithçka. Për t’u veçuar edhe kartoni i kuq i Ibrahimovic, i cili u ndëshkua pasi ofendoi arbitrin.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit