POP 5

Lajmet më të lexuara të 5 minutave të fundit

Sociale

Rekord pasagjerësh në aeroportin e Rinasit, mbi 885 mijë vetëm në gusht

Numri i pasagjerëve që udhëtuan përmes këtij aeroporti arriti në muajin gusht në 885.359, duke vendosur kështu shifrën rekord për numrin më të madh të pasagjerëve përmes TIA-s, ndonjëherë gjatë një muaji.

Rekord pasagjerësh në aeroportin e Rinasit, mbi 885 mijë vetëm në gusht

Rritja e pandalshme e turistëve që po e zgjedhin Shqipërinë si destinacion, tashmë konfirmohet edhe nga të dhënat e Aeroportit Ndërkombëtar të Rinasit.

Numri i pasagjerëve që udhëtuan përmes këtij aeroporti arriti në muajin gusht në 885.359, duke vendosur kështu shifrën rekord për numrin më të madh të pasagjerëve përmes TIA-s, ndonjëherë gjatë një muaji.

Duke e krahasuar me muajin gusht të vitit 2022, numri i pasagjerëve shënoi rritje me 33 %.

Shqipëria u vizitua vetëm përgjatë muajit gusht nga më shumë se 2 milionë të huaj. Në gusht të vitit 2022, vendi ynë u vizitua nga 1.710.041 të huaj.

Nga 5.667.121 të huaj që vizituan vendin përgjatë 8-mujorit të vitit 2022, gjatë periudhës janar-gusht të këtij viti vendi u vizitua nga 7.190.410 vizitorë të huaj, duke shënuar kështu një rritje prej 27%.

Për shkak të vijës së gjatë bregdetare Shqipëria ofron disa plazhe, nga veriu deri në jug, si në Velipojë të Shkodrës, në Shëngjin, në Durrës, Vlorë, Himarë dhe Sarandë, plazhe këto që frekuentohen nga maji deri në tetor.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit