POP 5

Lajmet më të lexuara të 5 minutave të fundit

Kronikë

Rikonstruksioni i Xhamisë së Et’hem Beut, Rama: I kthehet shkëlqimi! Ramazani, muaji i afrimit vendimtar me dritën në fundin e tunelit rraskapitës të pandemisë (VIDEO)

Edhe në kuadër të nisjes sot të muajit të Ramazanit, Kryeministri Rama i shoqëruar nga ministrja e Kulturës, Elva Margariti, inspektuan sot punimet që janë kryer për restaurimin e xhamisë së Et’hem Beut në Tiranë.

Në bashkëbisedimin me kreun e Komunitetit Mysliman, Bujar Spahiu, tha se “ky xhevahir i Trashëgimisë sonë Kulturore është kthyer në krejt shkëlqimin e vet, pas një pune të gjatë milimetrike, që ka nxjerrë gjithçka fshihej nën shtresat e kohërave.

"Sot është vendi ideal, për të uruar Muajin e Madh të Ramazanit me besimin e madh se ky do të jetë edhe një muaj i afrimit vendimtar me dritën në fundin e tunelit rraskapitës të pandemisë. Deri para 1 muaji ishte thuajse e paimagjinueshme që do hynit në muajin tuaj më të rëndësishëm të vitit të lehtësuar jo pak nga shtrëngesa e pandemisë. Me zgjatjen e orarit do të keni mundësi të bëni gjithë ritualet dhe ndërkohë shumë besim që ky muaj do jetë energjizues”, tha Rama.

Kryeministri shprehu besimin se me daljen nga tuneli i pandemisë, me hapjen e sezonit turistik, me hapjen e të gjitha punëve për njerëzit, do të kemi një perspektivë krejt tjetër”.

Ndërkohë që nga ana e saj, ministrja e Kulturës, Elva Margariti informoi se punimet në këtë xhami janë në fazën përfundimtare.

"Është pothuajse e gjitha e kompletuar. Ka mbaruar e gjithë pjesa e restaurimit të afreskeve. Kjo ka qenë një nga punët më të mëdha dhe më të gjata në këtë kantier. Edhe në pjesën e themeleve është kryer gjithë hidroizolimi. Kjo besoj është një nga punët më ekselente që janë kryer në Shqipëri në restaurime të tilla xhamish”, tha ajo, ndërsa shtoi se ka përfunduar edhe pjesa e ndriçimit të jashtëm të xhamisë.


Lajmi kryesor:

Nis muaji i Ramazanit, i dyti vit në pandemi, uron politika! Rama nga Xhamia e Et'hem Beut: Muaji i afrimit me dritën në fundin e tunelit rraskapitës të pandemisë
K.T./b.ha./Shqiptarja.com
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit