POP 5

Lajmet më të lexuara të 5 minutave të fundit

Kronikë

VIDEO/ Vrasja e Pjerin Xhuvanit, 3 ekspertët rindërtojnë skenën e krimit në Elbasan

Në Elbasan u rindërtua skema e vrasjes së Pjerin Xhuvanit më 21 prill 2021. Policia e Elbasanit që prej mbrëmjes së djeshme rrethoi me shirit rrugën në lagjen ‘5 maji’ në Elbasan, ku ndodhi edhe ngjarja.

ELBASAN- Në Elbasan u rindërtua skema e vrasjes së Pjerin Xhuvanit më 21 prill 2021. Policia e Elbasanit që prej mbrëmjes së djeshme rrethoi me shirit rrugën në lagjen ‘5 maji’ në Elbasan, ku ndodhi edhe ngjarja. Report Tv sjell edhe pamjet nga vendi i ngjarjes, ku ekspertët duken teksa rindërtojnë skenën e krimit, pas vendimit të Gjykatës së Apelit. 

Arjan Hakon, ekspert i Institutit të Policisë Shkencore dhe 2 ekspertët e pavarur, Artan Rexhepi dhe Shpëtim Buda, duhet të përcaktojnë drejtimin e qitjes së armëve ditën e ngjarjes, distancën dhe pozicionet nga është qëlluar.

Apeli vendosi që të kryhet eksperimenti hetimor, pas kërkesës së Paplekaj për rikualifikim të veprës penale, nga vrasje me dashje në vrasje në kushtet e tronditjes së fortë psikike. Ai u dënua me 22 vite burg nga shkalla e parë për vrasjen e Pjerin Xhuvanit më 21 prill 2021, pak ditë para zgjedhjeve parlamentare.

Paplekaj pranoi krimin dhe u vetëdorëzua në Repartin e Forcave RENEA në Tiranë duke thënë se qëlloi për vetëmbrojtje pasi u qëllua më parë nga persona që sipas tij po blinin vota. Ngjarja zbuloi edhe skandalin e PD-së për ngritjen e një grupi të armatosur, të vetëshpallur Struktura për Mbrojtjen e Votës.

Për vrasjen e Xhuvanit, u dënuan me 1 vit shërbim prove dy ish-zëvendësdrejtorët e Policisë së Elbasanit, Albert Nushi dhe Nikollaq Palla. Po ashtu dënim me nga 16 muaj shërbim prove u vendos edhe për 6 efektivët e “Shqiponjave” Dedion Duraku, Pëllumb Biçaku, Erion Balla, Erion Meçja, Donald Dedja dhe Besmir Kadiu.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arber: 27/03/2024 22:08

    Respekt per Djalin kampion si Arber Papleka, E din i madh e i vogel qe ishte vetmbrojtje Dhe i shkuan me arme ne dore per ti rrahur e per ti vrare, Bandat e elbasanit , dhe per fat ishte Arberi i trajnuar Qe u vetmbrojt se do ishte ne dhe sot ishte harru Dhe ato plerat si gjithmone te qete.

    Përgjigju
  • Ledina: 27/03/2024 15:37

    Arber Paplekaj duhet te deshmoje se kush e udhezoi per te vrare.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit