POP 5

Lajmet më të lexuara të 5 minutave të fundit

Sociale

Rrëshqitjet, degradon rruga nacionale Kukës-Peshkopi! Policia Rrugore dhe kompania: ARRSH duhet të investojë

Rruga nacionale Kukës-Peshkopi prej vitesh nuk njeh asnjë investim ndaj ka degraduar. Problematika më e madhe është në Qafë Kolesjan ku ka rrëshqitje të vazhdueshme. Shqetësimit të banorëve i është bashkuar Policia Rrugore dhe firma mirëmbajtëse që kërkojnë ndërhyrjen urgjente të Autoritetit Rrugor Shqiptar.

Gropa, rrëshqitje, apo edhe mungesë të sinjalistikës rrugore. Këto janë pamjet që vijnë nga segmeti rrugor Qafë Kolesjan- Bushtricë, pjesë e rrugës nacionale Kukës-Peshkopi, që çdo ditë e më tepër po shkon drejt degradimit.

Drejtuesit e mjeteve nga Shqipëria e Kosova kanë shumë të vështirë për të lëvizur në këtë segment.

“E bëj rrugën 2 herë në ditë. Është katastrofë. Kemi dëmtuar dhe makinat. Tre vjerë është në këtë gjendje. Shteti e paguan për rrugën. Tani dimrat janë më të butë. Kjo rrugë të lidh shumë shkurt dhe është e frekuentueshme. Këtu është lidhja e Kosovës me Dibrën”, tha një shofer.

Shefi i Qarkullimit Rrugor në Kukës tregon rreziqet.

“Ruga Kukës-Vasije është më problematikja që kemi për sigurinë rrugore. Qoftë për rrëshqitjen e karagjatës, qoftë dhe për sinjalistikën rrugore vertikale-horizontale. Është vënë sinjalistika dy metra nga ngushtimi i rrugës. Si mund ta paralajmërojnë drejtuesin dy metra nga problematika” ,tha Fatjon Alla, shefi i Sektorit të Policisë Rrugore.

Rruga mirëmbahet nga firma Curri, e cila thotë se i ka plotësuar kushtet e kontratës me ARRSH-në.

“Me të vërtetë ka probleme. Rrëshqitja në Kolasjan është problem. Ne nuk mund të ndërhymë për të na u prish prap. Atje duhet të merren masa në forma të ndryshme. Ka ujëra nëntokësore”, tregoi Hasan Seferi, drejtues teknik i punimeve. 

Firma mirëmbajtëve si dhe Policia Rrugore bashkohen në një zë, duke kërkuar investime nga Autoriteti Rrugor Shqiptar si enti pronar i kësaj rruge nacionale me gjatësi 36 km që u shërben qindra banorëve.

M.T/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit