POP 5

Lajmet më të lexuara të 5 minutave të fundit

Sport

Rruga drejt finales së Evropianit, gati përplasjet mes 'titanëve'! Datat dhe oraret e 1/8

Me mbylljen e fazës së grupeve është përcaktuar rruga deri në finalen e kampionatit Evropian.

Rruga drejt finales së Evropianit, gati përplasjet mes 'titanëve'! Datat dhe oraret e 1/8

Mbappe dhe Kevin de Bruyne

Francë-Belgjikë dhe Zvicër-Itali janë dy prej supersfidave në 1/8 e Evropianit të përcaktuara pas mbylljes së fazës së grupeve. Tetë përballjet do nisin me 29 qershor dhe do zgjasin katër ditë, ndërsa do luhen në dy orare të ndryshme. Ndeshja e parë e ditës do jetë në orën 18:00 dhe e dyta në orën 21:00.

Fazën e 1/8 do e hapë sfida Zvicër-Itali më 29 qershor në orën 18:00, një përballje që duket pa favoritë, ndërsa ndeshja e dytë e ditës do jetë Gjermani-Danimarkë. Për organizatorët kundërshtari nuk është aspak për t’u nënvlerësuar.

Më 30 qershor në orën 18:00 luhet Angli-Sllovaki, ndërsa në mbrëmje Spanjë-Gjeorgji. Iberikët janë favoritë absolutë për në çerekfinale, në një kohë kur në kualifikuese realizuan një mal me gola ndaj gjeorgjianëve. Më 1 korrik spikat Francë-Belgjikë, ndërsa 3 orë më pas do jetë rradha e Sllovenisë të sfidojë Portugalinë.

Dita e fundit e fazës së 1/8 nis me Rumani-Holandë, ndërsa mbyllet me sfidën Austri-Turqi. Ndërkohë është përcaktuar edhe rruga drejt trofeut, teksa në çerekfinale rrezikohen përballje si Spanjë-Gjermani, Portugali-Francë, Holandë-Turqi dhe Angli-Itali. Gjithsesi fillimisht duhet pritur faza e 1/8, me UEFA-n që mes fazave ka përcaktuar dy ditë pushim.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit