POP 5

Lajmet më të lexuara të 5 minutave të fundit

Bota

Rusia gjobit Wikipedia-n me 32,600 dollarë për lajmet që lidhen me luftën në Ukrainë

Rusia gjobit Wikipedia-n me 32,600 dollarë për lajmet që lidhen me luftën në Ukrainë

1667314976_Rusi.PNG

Një gjykatë ruse ka gjobitur sot pronarin e Wikipedia, Fondacioni Wikimedia, me 32,600 dollarë për artikuj që kanë të bëjnë me luftën në Ukrainë.

Kreu i Fondacionit në Rusi, Stanislav Kozlovsky, tha për agjencinë e lajmeve Reuters se kjo gjobë u vendos sepse nuk fshiu disa lajme. Moska më herët kishte kërkuar që ato të mos shfaqen më në Wikipedia.

Gjithashtu, Stanislav Kozlovsky tha se Fondacioni do të apelojë vendimin.

“Ne kemi ende një pozicion mjaft të fortë ligjor proçedural, ndaj kemi arsye të besojmë se do të kemi sukses që të anulojmë si këtë gjobë ashtu edhe ato të dhëna në prill”, tha ai.

Dy artikujt, në rusisht, u titulluan "Rezistenca jo e dhunshme e popullsisë civile të Ukrainës gjatë pushtimit të Rusisë" dhe "Vlerësimet e pushtimit rus të Ukrainës në vitin 2022".

Kozlovsky tha se ekziston rreziku që numri i rasteve kundër Fondacionit Wikimedia të rritet dhe ka shumë artikuj në Wikipedia në lidhje me pushtimin rus të Ukrainës dhe vetëm tre çështje gjyqësore deri më tani. 

Rusia e përshkruan luftën e saj në Ukrainë si një "operacion special ushtarak". 


Lajmi kryesor:

Putin: Sulmet ndaj infrastrukturës ukrainase janë vetëm një pjesë e asaj që ne mund të bëjmë! Fillon inspektimi i IAEA mbi akuzat për 'bombë të pista'
S.S/Shqiptarja.com
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit