Sekuestrohen mbi 200 mijë euro në Muriqan, nën hetim 53-vjeçari! Dyshohet se janë fituar nga krimi

Mbi 200 mijë euro janë sekuestruar në pikën kufitare të Muriqanit. Nën hetim është vënë 53 vjeçari Ilir Beqiri, ndërsa dyshohet se kjo shumë është përfituar nga veprimtari kriminale.

202 060 euro u gjetën gjatë kontrollit të ushtruar në automjetin që drejtonte Ilir Beqiri, pas kontrolli të policisë kufitare në makinën e tij.

Këto para ky shtetas nuk i kishte deklaruar sipas përcaktimeve ligjore në fuqi.  Gjithashtu, kjo shumë parash dyshohet se është përfituar nga veprimtari kriminale. 

Në përfundim të veprimeve hetimore, specialistët e Seksionit për Hetimin e Krimit Ekonomik e Financiar në DVP Shkodër referuan materialet në Prokurori dhe nisi procedimi penal në gjendje të lirë për shtetasin Ibrahim Beqirin, 53 vjeç, banues në Shkodër, për veprat penale "Mosdeklarimi në kufi i të hollave dhe i sendeve me vlerë" dhe “Pastrimi i produkteve të veprës penale ose veprimtarisë kriminale”.

Specialistët e Seksionit për Hetimin e Krimit Ekonomik e Financiar në DVP Shkodër, në bashkëpunim me Prokurorinë e Rrethit Gjyqësor Shkodër, vijojnë punën për zbardhjen dhe dokumentimin e plotë ligjor të këtij rasti.

Materialet iu referuan Prokurorisë së Rrethit Gjyqësor Shkodër, për veprime të mëtejshme.

TAG:
• para te padeklaruara
• Muriqan
• Policia e Shkodrës
• Shkoder

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë