POP 5

Lajmet më të lexuara të 5 minutave të fundit

Kosova & Rajoni

Serbia të dielën në zgjedhje parlamentare dhe lokale! Nuk votojnë serbët e Kosovës, shqiptarët e Luginës në 2 lista, 10 mijë vota për 1 deputet

Serbia të dielën voton për të zgjedhur 250 deputetët e rinj. Njëkohësisht me zgjedhjet parlamentare zhvillohen edhe ato lokale. Grupimi politik i Aleksandër Vuçiç kryeson në sondazhe. Zgjedhjet nuk do të zhvillohet për serbët e Kosovës. Shqiptarët e Luginës shkojnë në zgjedhje me dy lista dhe duhen 10 mijë vota për të marrë një vend në parlamentin serb.

Të dielën e 17 dhjetorit Serbia do të zhvillojë zgjedhjet e parakohshme parlamentare dhe lokale. Pritet qeveria e re, asambleja me 120 anëtarë të Krahinës autonome të Vjovodinës dhe këshillat bashkiakë.

Presidenti Vuçiç, ish ministër i Sllobodan Millosheviqit, i veshur me petkun e reformuesit, synon të konsolidojë pushtetin e tij. 18 lista me mbi 2800 kandidatë garojnë në Serbi për 250 vendet e Parlamentit. Zgjedhjet e Serbisë nuk do te lejohen te mbahen në territorin e Kosovës.

Autoritetet e Serbisë i kërkuan misionit të OSBE-së, por jo Prishtinës zyrtare, që të përfshihet në votim serbët e Kosovës që kanë shtetësi të dyfishtë. 

Koalicion qeverisës aktual ka pranuar Marrëveshjen e Ohrit ku Kosova u angazhua të formojë Asociacionin e komunave me shumicë serbe dhe Serbia ta njohë de facto Kosovën. Të gjitha partitë e së djathtës, janë kundër Marrëveshjes së Ohrit.

Një anketë të realizuar së fundi nga grupi hulumtues “Mendimi i ri politik serb” e publikuar në mes të nëntorit, tregon për një përkrahje prej 39.2% për grupimin politik të udhëhequr nga Presidenti Vuçiç, nën sloganin “Serbia nuk guxon të ndalet!”.

Pas tij radhitet opozita “Serbia kundër dhunës” me 25.8 për qind. Pjesa tjetër e përkrahjes shkon tek partitë e djathta pro-ruse apo atyre ta afërta me Presidentin Vuçiç, si socialistët.

Pak javë më parë nga ndihmëssekretari amerikan i Shtetit për Evropën dhe Euroazinë, James O’Brien, tha se Shtetet e Bashkuara presin nga Qeveria e ardhshme e Serbisë t’i vazhdojë bisedimet me Kosovën dhe rrugën drejt integrimit evropian. 

Shqiptarët e Luginës së Preshevës nuk kanë arritur të bashkohen në një listë të përbashkët që do tu siguronte 4 deputetë.

Shqiptarët e luginës do dalin me dy lista atë të Shaip Kamberi që prin Listës “Beteja politike e shqiptarëve vazhdon dhe alternativa Demokratike Shqiptare – Lugina e Bashkuar” e Visar Memeti. Për të marrë një vend në parlament u duhen 10 mijë vota.

K.M/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit