POP 5

Lajmet më të lexuara të 5 minutave të fundit

Sport

Dritan Shakohoxha betejë ligjore për FSHF-në, kallëzon për shkelje sekretarin Ilir Shulku dhe avokatin Aldi Topçiu

Sipas kallëzimit të bërë nga Shakohoxha, Shulku dhe Topçiu kanë firmosur në kundërshtim me ligjin që të vazhdojë organizimin dhe mbajtjen e Asamblesë Zgjedhore të FSHF më 2 mars.

Dritan Shakohoxha, i cili është kandidat për President në FSHF, ka kallëzuar penalisht Sekretarin e përgjithshëm të FSHF, Ilir Shulkun dhe shefin e Departamentit Ligjor të kësaj organizate, Aldi Topçiun. Sipas kallëzimit të bërë nga Shakohoxha, Shulku dhe Topçiu kanë firmosur në kundërshtim me ligjin që të vazhdojë organizimin dhe mbajtjen e Asamblesë Zgjedhore të FSHF më 2 mars.

Shakohoxha i është drejtuar Prokurorisë së Tiranës dhe Policisë së Shtetit që të ndërhyjnë për zbatimin e vendimit të Gjykatës së Tiranës që ka vendosur pezullimin e Asamblesë Zgjedhore derisa të mbyllen çështjet gjyqësore që kanë lidhje me Shoqatat rajonale dhe zgjedhjet e kontestuara të tyre.

Akuzat ndaj Shulkut dhe Topçiut janë “pengimi për ekzekutimin e vendimit të gjykatës”, “veprime në kundërshtim me vendimin e gjykatës” si dhe “shpërdorim detyre”.

Pavarësisht vendimit të Gjykatës për ndërprerjen e procedurave të zhvillimit të Asamblesë Zgjedhore të 2 marsit, Shulku e Topçiu kanë vijuar normalisht me përgatitjet dhe duke lajmëruar anëtarët për listat e delegatëve, që kanë dalë nga zgjedhjet e kontestuara si tërësisht të manipuluara në Shoqatat Rajonale.

Në 2 mars nuk do të ketë zgjedhje për kreun e Federatës Shqiptare të Futbollit pasi Gjykata ka pezulluar garën e 2 marsit deri në shqyrtimin e padive të Shoqatave Rajonale për manipulim të procesit, e më konkretisht të shoqatës së Durrësit, Gjirokastrës dhe Shkodrës, ndërsa edhe Fieri e Korça kanë patur kundërshti të forta, por nuk ngritën padi.

(Kliko këtu për të lexuar Kallezimin ndaj drejtorit juridik Topciu)

(Kliko këtu për të lexuar kërkesën për shtyrjen e mbledhjes së Asamblesë)

 

(Kliko këtu për të lexuar kallzimin penal ndaj Ilir Shulkut)

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • luani: 28/02/2022 20:41

    FSHF eshte teresisht kriminale, te gjith jane vegla te Dukes se droges...

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit