Shifra rekord! Emigracioni pritet t'i shtojë popullsisë britanike 6.1 milionë njerëz deri në vitin 2036

Popullsisë së Britanisë së Madhe pritet që t’i shtohen 6.1 milionë njerëz deri në vitin 2036, për shkak të emigracionit. Diçka e tillë pritet që të shtojë presionin, që ekziston tashmë, për kryeministrin Rishi Sunak që ta frenojë fenomenin përpara zgjedhjeve.

Rritja, e regjistruar gjatë një periudhe prej më shumë se 15 vitesh, pasqyron një parashikim prej 541 mijë lindjesh më shumë se vdekje dhe migrimin ndërkombëtar neto prej 6.1 milionë njerëzish.

Shifrat e publikuara në nëntor treguan se emigracioni vjetor neto në Britaninë e Madhe arriti një rekord prej 745 mijë njerëzish deri në vitin 2022 dhe ka mbetur i lartë që atëherë, raporton Reuters.

Vendi pret emigrantë edhe nga vende si India, Nigeria dhe Kina por edhe nga vende të Europës. Projeksionet e publikuara sot vlerësojnë një nivel neto emigrimi prej 315 mijë njerëzish në vit nga mesi i vitit 2028 e në vazhdim.

Sunak është nën presion për të reduktuar nivelin e lartë të imigracionit legal, i cili ka dominuar prej kohësh peizazhin politik britanik dhe do të jetë një çështje madhore në zgjedhjet që priten më vonë këtë vit.

Qeveria e tij muajin e kaluar njoftoi masa më të ashpra për viza, duke përfshirë rritjen e kufirit të pagës minimale për disa emigrantë që sjellin anëtarë të familjes në vend, një veprim i kritikuar nga bizneset dhe sindikatat.

Sipas parashikimeve, popullsia e Britanisë së Madhe pritet të arrijë në 70 milionë deri në mesin e vitit 2026.

TAG:
• Rishi Sunak
• emigrante
• Britani e Madhe

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë