Shqipëria me “këmbë në tokë”, Panucci: Këto janë limitet tonë! Aleks MekLish: Ja si i mundëm

Humbja me Skocinë ka zbritur ekipin kombëtar të futbollit me këmbë në tokë, pasi u përfshi nga euforia pas fitores me Izraelin. Tekniku italian i kuqezinjve, Panucci pas humbjes mbrëmjen e djeshme 2-0, u shpreh i zhgënjyer për rezultatin, ndërsa përsëriti frazën ‘ua dhuruam golat’.

‘E kishim përgatitur mirë ndeshjen. U ndëshkuam me gol në minutën e parë të pjesës së dytë, një gol i dhuruar, sikurse dhe goli i dytë. Kemi limite në mbrojtje, të tjerët na sulmojnë dhe ne i lejojmë të na shënojnë gola të thjeshtë. Vuajtëm shumë në pjesën e parë dhe kaluam në mbrojtjen me 3. E përsëris u lejojmë shumë hapësira kundërshtarëve. Këto janë limitet tonë, nuk ka rëndësi nëse luan me 3 apo me rreshtim tjetër. Lejojmë shumë hapësira në 20 metrat e fundit’ tha ai për supersport.

Ndërsa trajneri i Skocisë, Aleks MekLish vlerësoi shqiptarët për paraqitjen në fushë, por shtoi se ekipi i tij e meritoi plotësisht Shqipërinë. ‘E respektojmë Shqipërinë, ata kanë një ekip të fortë, por ne ushtruam presion që në fillim të takimit duke i vendosur në vështirësi prandaj fituam’. Pas dy ndeshjeve të para, Shqipëria ka një fitore me Izraelin dhe një humbje përballë Skocisë.

TAG:
• kombetarja
• Christian Panucci
• Liga e Kombeve
• skoci-shqiperi

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë