POP 5

Lajmet më të lexuara të 5 minutave të fundit

Ekonomi

Shqipëria më shumë importon se sa eksporton në rajon! Deficiti Shqipëri-Serbi në 5 vite 83 mld lekë! 'Open Balkan' në fokus fuqizimin e shkëmbimeve tregtare

Pavarësisht se shkëmbimet tregtare mes Shqipërisë-Serbisë dhe Maqedonisë së Veriut kanë shënuar në rritje në 5 vitet e fundit, deficiti tregtar vijon të jetë i lartë. Nga viti 2017 deri më tani Shqipëria ka blerë nga këto dy shtete mbi 165 miliardë lekë mallra dhe ka mbi 79 miliardë lekë produkte.

Teksa bashkimi rajonal po diskutohet çdo ditë e më shumë, shkëmbimet tregtare mes shteteve kanë ardhur në rritje. Pavarësisht se Serbia dhe Maqedonia e Veriut nuk janë vendet kryesore me të cilat Shqipëria ka tregtinë më të lartë të mallrave, në 5 vitet e fundit situata ka ndryshuar.

Sipas të dhënave të INSTAT, nga viti 2017 deri në fund të nëntorit të këtij viti Shqipëria ka blerë nga Maqedonia e Veriut mallra me vlerë 48,054 miliardë lekë, ndërkohë që i ka shitur këtij shteti produkte në vlerën e 46,061 miliardë lekë. Pra deficiti tregtar (eksport VS import) 1,993 miliardë lekë. Ushqime, lëndë plastike dhe materiale plastike blejmë shumë nga maqedonasit.

Ndërkohë sa i takon Serbisë, deficiti tregtar është më i thellë pra më shumë importojnë sesa eksportojmë. Vetëm në 11 muajit e këtij viti vendi i ka shitur Serbisë 9.2 miliardë lekë mallra, ndërkohë që 24.6 miliardë lekë është vlera e produkteve që ka blerë prej saj, duke bërë që deficiti të jetë 15.3 miliardë lekë.

Sakaq sa i takon periudhës 5 vjeçare importet nga Serbia arritën në vlerën e 117,412 miliardë lekëve, ndërsa eksportet janë në shifrën e 33,833 miliardë lekëve. Nga viti 2017-2021, deficiti tregtar i mallrave është në vlerën e 83,579 miliardë lekë. Vendi ynë blen më shumë nga ushqime, pije, mineraleve, lëndëve djegëse, energji apo materiale ndërtimi.

Ndërsa me marrëveshjet e arritura nga Open Ballkan mes tre shteteve, synohet pikërisht rritja e tregtisë, jo vetëm për këto produkte por për herë të parë i hapet rruga eksportit të produkteve blegtorale të fermerëve shqiptar.

Ndërkohë vendet me të cilat Shqipëria ka shkëmbimet më të larta tregtare janë Turqi, Kina dhe Italia.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit