POP 5

Lajmet më të lexuara të 5 minutave të fundit

Sport

Skandali racizmit në Itali/ Acerbi përjashtohet nga kombëtarja, hetimi rrezikon ti mbyllë sezonin me Interin

Pasi u përjashtua nga kombëtarja, mbrojtësi i Interit Francesco Acerbi rrezikon të mbyllë sezonin para kohe.

Skandali racizmit në Itali/ Acerbi përjashtohet nga kombëtarja, hetimi rrezikon ti mbyllë sezonin me Interin

Juan Jesus dhe Francesco Acerbi

Në ditën që Seria A nisi një fushatë kundër racizmit duket se ka shpërthyer një skandal i madh në futbollin italian. Protagonist absolut është mbrojtësi i Interit Francesco Acerbi, i cili po akuzohet se ka quajtur ‘zezak’ mbrojtësin e Napolit Juan Jesus, në ndeshjen që u luajt të dielën në San Siro.

Në pjesën e dytë të supersfidës ndeshja u ndërpre për pak sekonda, teksa Jesus thirri gjyqtarin për ti treguar atë që i kishte bërë Acerbi. Diskutimi zgjati pak dhe u mbyll pasi lojtari i Interit kërkoi falje, të paktën siç tregoi vetë lojtari i Napolit. Mirëpo mbas sfidës braziliani ka treguar për mediat gjithçka ndodhi dhe kaq ka mjaftuar që të nisë një hetim. Menjeherë ka reaguar Acerbi, i cili ka thënë se 20 vite karrierë në futboll nuk ia lejojnë të thotë diçka të tillë për një futbollist.

Megjithatë kjo nuk ka shpëtuar futbollistin që kombëtarja e Italisë ta largojë nga grumbullimi. Pas një bisede me Spalettin Acerbi është detyruar të lërë kombëtaren edhe pse kishte një ftesë, duke humbur kështu dy miqësoret në Amerikë kundër Venezuelës dhe Ekuadorit.

Kjo është më e pakta, pasi në hetimin që ka hapur prokuroria sportive Acerbi rrezikon shumë më shumë. Nëse gjehet fajtor futbollisti rrezikon një pezullim prej të paktën 10 ndeshjesh, ç’ka do të sillte mbylljen e sezonit para kohe. Gjithashtu për 36-vjeçarin do jetë edhe një gjobë që nis nga 10 mijë euro. Deri sa kjo të vërtetohet apo jo, edhe Inter ka kërkuar kohë të hetojë ngjarjen. Klubi zikaltër nuk është nxituar, por ka deklaruar se në ditët në vijim do shprehet për këtë çështje. Nëse Acerbi shpallet fajtor atëherë do ketë një dënim të dyfishtë edhe nga klubi.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit