Studimi: Antitrupat e Covid-19, zhduken shumë shpejt

Shpresat që popullata të krijojë imunitet kundër COVID-19, janë të pakta pas hulumtimeve të institucioneve shëndetësore britanike, që tregojnë se antitrupat zhduken shumë shpejt pas rikuperimit nga sëmundja.

Një studim në Mbretërinë e Bashkuar ka zbuluar se numri i njerëzve me antitrupa ka rënë me 26 për qind që kur masat e bllokimit u lehtësuan gjatë verës. Studiuesit e “Imperial College London” morën në shqyrtim 365 mijë njerëz gjatë tre raundeve të testimit midis muajit qershor dhe shtator.

Rezultatet e studimit “REACT-2” treguan se 6 për qind e njerëzve kishin antitrupa ndaj virusit, rreth kohës kur bllokimi u lehtësua përkatësisht në fund të qershorit dhe në fillim të muajit korrik, ndërkohë që në studimin e fundit ajo ra në 4.4 për qind.

Në sajë të studimit u arrit në përfundimin  se të rinjtë, ata nga komuniteti i njerëzve me ngjyrë, aziatikët, pakicat dhe punonjësit e shëndetësisë kishin nivele më të larta të antitrupave.

Rënia e nivelit të  antitrupave sugjeron që njerëzit mund të infektohen në mënyrë të vazhdueshme, në një kohë që me afrimin e stinës së dimrit rritet prania e viruseve të tjera.

TAG:
• studimi
• Koronavirus

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë