Superliga, Partizani pret Kukësin për t'u rikthyer te fitoret! Mehmeti: Gabimet në sulm s'na lejohen më!

Partizani që vjen pas dy barazimeve do të luajë të mërkurën kundër Kukësit ndeshjen më të rëndësishme të javës së 23 të Superligës. Të kuqtë e Mehmetit kërkojnë kthimin te fitorja për të siguruar një vend në Kupat e Europës, ndërsa Kukësi vjen pas zërave për largimin e trajnerit Longo.

“Nuk na falet kemi shpërdoruar shumë. Të kesh në shumë ndeshje mundësi realizimi të golit, siç ka ndodhur sëfundmi, dhe të mos konkretizosh është e vështirë. Duhet të mos kemi problem përsa i përket realizimit,”-deklaroi Dritan Mehmeti, trajner i Partizanit.

Kukësin dhe Partizanin i ndajnë tetë pikë në rënditje në favor të verilindorëve, ndërsa po të mërkurën në program është edhe Teuta-Tirana. Bardheblutë shihen tashmë si kampionët e ardhshëm teksa përballë pas fitores fantastike kundër Laçit do të kenë mbajtësit e trofeut në fuqi.

“Nëqoftëse është në ditën e saj të mirë na hap probleme jo vetëm por çdo lloj skuadre. Mendoj që pika e fortë e tyre është kontigjenti pasi janë futbollistë të shpallur kampion sezonin e kaluar,”-u shpreh Orges Shehi, trajner i Tiranës.

Tirana kryesuese pas 22 ndeshjesh është në kuotën e 49 pikëve, 6 më shumë se Laçi ndjekës.

TAG:
• partizani
• dritan mehmeti
• tirana
• orges shehi

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë