POP 5

Lajmet më të lexuara të 5 minutave të fundit

Sport

Sylvinho e afroi në ekipin e parë, mesfushori i Kombëtares dëmtohet dhe mbyll vitin

Mesfushori i Kombëtares, Adrion Pajaziti u dëmtua në sfidën e fundit mes Goricës dhe Istrës, teksa ka mbyllur vitin, pas lëndimit në kofshë.

Sylvinho e afroi në ekipin e parë, mesfushori i Kombëtares dëmtohet dhe mbyll vitin

Adrion Pajaziti me topin në zotërim

Mesfushori i Kombëtares, Adrion Pajaziti u dëmtua në sfidën e fundit mes Goricës dhe Istrës, teksa ka mbyllur vitin, pas lëndimit në kofshë. Lëndimi ndodhi që në minutën e 6-të të ndeshjes së Superligës kroate, mes Goricës dhe Istrës, ndeshje e cila përfundoi me fitore 1-0 për ekipin e tij.

Ky është një moment i vështirë për 21-vjeçarin, i cili kishte filluar të aktivizohej rregullisht në mesfushë dhe po tregonte paraqitje të mira, megjithëse ende pa shënuar apo asistuar.

Kujtojmë se Pajaziti ishte surprizë nga Sylvinho në listën e Kombëtares për tetorin. Mesfushori 21-vjeçar është në huazim te Gorica nga klubi i Fulham.

“Fatkeqësisht, kam marrë një dëmtim të kofshës që do të më mbajë jashtë për muajt e ardhshëm. Dashtë Zoti, shpresoj t’ju shoh të gjithëve në vitin e ri edhe më të fortë”, ka shkruar Pajaziti në “Instagram”.

Djaloshi do jetë për të paktën dy muaj jashtë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit