POP 5

Lajmet më të lexuara të 5 minutave të fundit

Sport

Sylvinho në telashe ende pa debutuar, Kombëtarja s'ka portier

Kombëtarja shqiptare e futbollit po përgatitet për fazën kualifikuese të EURO 2024.

Sylvinho në telashe ende pa debutuar, Kombëtarja s'ka portier

Trajneri i Kombëtares, Sylvinho

Kombëtarja shqiptare e futbollit po përgatitet për fazën kualifikuese të EURO 2024. Trajneri i ri, Sylvinho duket se do e ketë të vështirë për të zgjedhur gardianin mes shtyllave, me telashet për brazilianin që kanë nisur ende pa debutuar. E gjithë "kokëçarrja" e trajnerit vjen për shkak të formës jo të mirë të portierëve dhe më shumë për minutat që katër gardianët kanë këtë sezon në skuadrat respektive.

Berisha, Strakosha dhe Selmani duket se nuk janë në 100 përqind të formës së tyre, teksa përjashtim bën Kastrati. Sylvinho debuton me Kombëtaren në 24 mars në "Air Albania", në miqësoren kundër Uzbekistanit, me përballjen që vjen tre ditë para ndeshjes së parë kundër Polonisë në Varshavë për EURO 24.

Kapiteni Etrit Berisha është lënë jashtë grumbullimit nga trajneri i Torinos, me prishtinaliun që duket në një "luftë të ftohtë" për shkak se nuk pranon stolin. Me zero ndeshje këtë sezon, Berisha duket se e ka të vështirë të jetë mes shtyllave të kuqezinjve.

Situatë jo më e mirë edhe për Strakoshën. Thomasi verën e shkuar la Lazion dhe u bashkua me Brentford në Premier League, teksa ka luajtur vetëm dy ndeshje në Kupë dhe nuk ka debutuar ende në kampionat, teksa qëndroi jashtë shumë javë për shkak të një lëndimi.

Mbrojtësi tjetër fundor, Gentian Selmani zgjodhi në janar të linte Boluspor në Turqi dhe të rikthehej te Laçi. Vetëm pesë ndeshje këtë sezon kanë bërë që 24-vjeçari mos ketë minuta në këmbë.

Formë më të mirë po kalon Elhan Kastrati. Portieri i Cittadella-s në Serie B ka luajtur në 26 takime këtë sezon, duke mbajtur portën të pastër në nëntë ndeshje. Me 2.370 minuta në këmbë, nuk është çudi që Kastrati të jetë mes shtyllave në Kombëtare duke lënë pas emra si Strakosha, Berisha dhe Selmani.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • No worries: 20/02/2023 16:29

    Po sh mirë, Meritokracia vendos,kush asht në formën më të mirë sportive!!

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit