POP 5

Lajmet më të lexuara të 5 minutave të fundit

Kosova & Rajoni

Tensionet në veri, Policia e Kosovës: Po kujdesemi për ruajtjen e rendit dhe sigurisë publike

Tensionet në veri, Policia e Kosovës: Po kujdesemi për ruajtjen e rendit dhe sigurisë publike

1685439386_PoliciaeKosoves2021421.jpg

Policia e Kosovës ka bërë një reagim në rrjete sociale ku shkruan se po kujdesen për ruajtjen e rendit dhe sigurisë publike në veri.

Njoftimi i plotë:

Policia e Kosovës kujdeset për ruajtjen e rendit dhe sigurisë publike

Prishtinë, më 30 maj 2023

Referuar rrethanave dhe zhvillimeve të ndodhura dje (29.05.2023), ku protestues, individë/grupe kriminale, me dhunën ekstreme të shfaqur, kanë bërë që situata në aspektin e sigurisë në veri të vendit të përshkallëzohet dhe të degradojë deri në rrezikim të jetës së njerëzve, përfshirë jetën e zyrtarëve të institucioneve të sigurisë.

Protestat në tri komunat në veri të vendit Leposaviq, Zubin Potok dhe Zveçan po vazhdojnë edhe sot pranë objekteve komunale, situata aktualisht vlerësohet të jetë e brishtë, por e qetë.

Policia e Kosovës, sipas detyrës zyrtare, po vazhdon me angazhime në ofrimin e sigurisë dhe mbarëvajtjen e protestave, si dhe po bashkëpunon/koordinon aktivitetet me KFOR-in dhe institucionet relevante. Njëkohësisht njësitet policore janë duke ndërmarrë të gjitha veprimet hetimore lidhur me rastet dhe zhvillimet e djeshme.

Policia e Kosovës edhe sot fton qytetarët për qetësi dhe të mos bien pre e thirrjeve për protestë të dhunshme dhe provokime të çfarëdo natyre qofshin ato.


Lajmi kryesor:

Tensionet vijojnë në veri të Kosovës, NATO çon 700 trupa shtesë: Dhuna rrezikon të ardhmen! Kurti: Demokracia nuk pezullohet
G.MO/Shqiptarja.com
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit