POP 5

Lajmet më të lexuara të 5 minutave të fundit

Ekonomi

‘Tkurren’ bankat, nuk japin kredi për bizneset, BSH: Pasiguria ekonomike i ka bërë strikte! Lehtësohen kushtet e kredisë për qytetarët

Bankat e nivelit të dytë në vend kanë shtrënguar kushtet për të dhënë kredi për të gjitha kategoritë e bizneseve si për likuiditet ashtu edhe për investime, por  nga ana tjetër janë lehtësuar kushtet e kredisë për qytetarët.

Në tre muajit e parë të vitit bizneset e patën të vështirë të merrnin kredi, si për investime ashtu edhe për likuiditet. Sipas një vrojtimi të kryer nga banka e Shqipërisë për kreditimin e bizneseve dhe individëve, thuhet se bankat kanë qenë të rezervuara në dhënien e kredisë për sipërmarrjet për shkak të pasigurive të shkaktuara.

“Zgjatja e periudhës së pandemisë, së bashku me pasiguritë rreth saj, ndikoi po ashtu në shtrëngimin e standardeve të kreditimit këtë tremujor”, thuhet në vrojtimin e bankës.

Kushtet e shtrënguara janë sa i takon kërkesave më të larta të bankave për kolateral, reduktim i madhësisë së kredisë si dhe kushte të shtuara në marrëveshjet e kredisë. I vetmi tregues pozitiv dhe që është lehtësuar është për zgjatjen e afatit kohor për të shlyer kredinë.

Nga janari në mars 2021 kërkesa për kredi ka qenë e lartë e ndikuar edhe nga garancia e dytë sovrane që do të jetë funksionale deri në fund të qershorit të këtij viti. Sakaq edhe për tre muajit e ardhshëm bankat presin që standardet të jenë të pandryshuara. Kërkesa më e lartë për kredi pritet të jetë më shumë e përqendruar në financimin e nevojave për likuiditet dhe në segmentin e biznesit të madh.

Ndërsa nga ana tjetër standardet e kreditimit për individët vijuan lehtësimin në tremujorin e parë vitit 2021, si për huanë konsumatore ashtu edhe për atë për blerje banese, dhe këto kushte të favorshme pritet të aplikohen edhe në tremujorin e dytë.

M.Q./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit