POP 5

Lajmet më të lexuara të 5 minutave të fundit

Ekonomi

Treguesit e besimit në ekonomi u rritën me 0.9% në dhjetor 2020, BSH: U përkeqësua me 11.7% në sektorin e ndërtimit 

Për herë të parë pas disa muajsh në rritje, besimi në sektorin e ndërtimit ka pësuar një rënie të fortë në fund të vitit 2021.

Treguesit e besimit në ekonomi u rritën me 0.9% në dhjetor 2020, BSH: U përkeqësua me 11.7% në sektorin e ndërtimit 

Banka e Shqipërisë

Për herë të parë pas disa muajsh në rritje, besimi në sektorin e ndërtimit ka pësuar një rënie të fortë në fund të vitit 2021.

Sipas të dhënave të Bankës së Shqipërisë në fund të dhjetorit besimi në ndërtim u ul me 11.7% dhe shkak për këtë rënie sipas raporti është mungesa e porosive dhe reduktimi i aktivitetit ndërtues.

“Rënia e besimit pasqyroi vlerësimin e bizneseve për një nivel më të ulët si të aktivitetit ndërtues ashtu dhe të porosive aktuale. Norma e shfrytëzimit të kapaciteteve në ndërtim shënoi vlerën 68.4% për tremujorin e katërt të vitit, rreth 0.8 pikë përqindje më e ulët se një tremujor më parë. Edhe treguesi i gjendjes financiare pësoi rënie”, thuhet në raportin e Bankës së Shqipërisë.

Ndërkohë besimi i përgjithshëm në ekonomi u rrit me 0.9% në muajin dhjetor, por ritmi i rritjes ka qenë i ngadaltë.

“Rritja e Treguesi i ndjesisë ekonomike në muajin dhjetor u përcaktua nga përmirësimi i besimit konsumator dhe i besimit në sektorët e industrisë, të shërbimeve dhe të tregtisë. Nga ana tjetër, besimi në sektorin e ndërtimit ka pësuar një rënie të dukshme, duke e ngadalësuar prirjen rritëse të TNE-së në këtë muaj”, thuhet në raportin e BSH.

Sa i takon sektorit të industrisë besimi u rrit me 1.5% krahasuar me muajin nëntor, dhe kontribut ka dhënë ecuria pozitive të prodhimit dhe kontratave porositëse në total.

Në tregti besimi është rritur me 3.2% krahasuar me muajin paraardhës. Kjo rritje është ndikuar nga vlerësimet e bizneseve për ecurinë aktuale të biznesit të tyre dhe gjithashtu nga pritjet për nivelin e punësimit

Rritje është regjistruar edhe tek treguesit e besimit konsumator prej 1.7 % në muajin dhjetor. Rritja u ndikua nga të gjithë komponentët përbërës të këtij treguesi. Përmirësimet më të dukshme i shënuan blerjet aktuale dhe pritjet për blerjet gjatë muajve të ardhshëm. Komponentët e pritjeve për situatën financiare dhe situatën ekonomike regjistruan rritje më të lehtë.

(Klikoni këtu për të lexuar dokumentin)

SI.E./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit