Të martën nis gjyqi ndaj ish-presidentit Donald Trump

Të martën nis gjykimi i dytë për ish-presidentin republikan të Shteteve të Bashkuara, Donald Trump, i akuzuar për “nxitje të kryengritjes” më 6 janar.

Mbështetësit e tij në 6 Janar sulmuan ndërtesën e Kongresit amerikan, në përpjekje për të penguar certifikimin e fitores së Joe Bidenit në zgjedhjet presidenciale të 3 nëntorit. Pesë njerëz, përfshirë një polic, kanë humbur jetën si pasojë e trazirave.

Sipas një sondazhi të kryer nga ABC News dhe Qendra e Kërkimeve Ipsos, 56 për qind  kërkojnë që Trump të dënohet. por duke qënë se në Senat të dy palët janë në balancë të plotë 50 me 50, duket tejet e vështirë të arrihet një gjë e tillë, pasi do të duhet votat e të paktën 17 republikanëve për ta dënuar ish-presidentin. 

 Dhoma e Përfaqësuesve, e kontrolluar nga demokratët, ka votuar për shkarkimin e Trumpit, pak ditë para se ai të përfundonte mandatin presidencial, më 20 janar.

Sipas demokratëve, një fjalim i Trumpit më 6 janar, si dhe pretendimet e pabazuara të tij për mashtrime në zgjedhje e kanë provokuar turmën për të sulmuar Kongresin. 

TAG:
• SHBA
• Trump

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë