U arrestuan me akuzën se do vrisnin Elton Kilën, GJKKO liron Arsen Preçin dhe Arben Spahiun

TIRANË - Gjykata e Posaçme pranon kërkesën e SPAK, pushon çështjen për Arsen Preçin dhe Arben Spahiun, dy miqtë e Erjon Alibej.

GJKKO vendosi pushimin e çështjes për këta dy persona, duke pranuar kërkesën e prokurorit Behar Dibra.

Ky i fundit kërkoi pushim, me argumentin se Spahiu dhe Preçi nuk kanë kryer veprën penale për të cilën janë dyshuar dhe hetuar, por e kanë kryer te tjerë persona, që po hetohet për ti identifikuar.

Spahiu dhe Preçi u arrestuan në muajin shkurt të vitit 2023 në qytetin e Elbasanit, pasi policia kishte dyshime se ata do të kryenin një vrasje me pagesë.

Në atë kohë, punonjësit e pastrimit gjetën një armë zjarri pistoletë në lagjen “Emin Matraxhiu”, ndërsa prokuroria zbuloi një makine “BMW X6” të vjedhur, në brendësi të së cilës u gjetën 3 automatikë, një pistolë dhe dy bidona me benzinë.

Arben Spahiu dhe Arsen Preçi u arrestuan në dyshimin se do të vrisnin Elton Kilën, i njohur ndryshe si Oti i Elbasanit.

Gjatë kontrollit të zonës policia gjeti edhe dokumente të falsifikuara greke me foto të Arben Spahiut, Po ashtu një prove u konsiderua dhe një bisht cigareje të gjetur brenda makinës BMË që prokuroria e Elbasanit tha se i përket Arsen Preçit.

Pas këtyre provave, prokuroria e Elbasanit ia referoi dosjen SPAK për kompetencë.

TAG:
• arsen preci
• Arben Spahiu
• erion alibej
• GJKKO
• spak
• elton kila

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë