U godit nga raketa ruse, Polonia rrit forcën e mbrojtjes! Blen satelitë vëzhgues nga Franca

Franca ka nënshkruar një marrëveshje për shitjen e dy satelitëve francezë të vëzhgimit ndaj Polonisë. Këtë lajm e ka bërë të ditur ministri francez i Mbrojtjes Sebastien Lecornu.

"Kjo kontratë e madhe tregon besimin e Polonisë në teknologjinë dhe industrinë tonë," shkroi ministër i Forcave të Armatosura të Francës Lecornu në Twitter pas takimit me homologun e tij polak në Varshavë.

Ministri francez vazhdoi duke thënë se kjo marrëveshje tregon për lidhjet e forta që bashkojnë Francën dhe Poloninë në fushën e mbrojtjes. Ai theksoi se kjo marrëveshje do të krijojë 500 vende pune në Francë për pesë vjet

Edhe për ministrin e Mbrojtjes së Polonisë, Mariusz Błaszczak kjo marrëveshje tregonte për një hap të rëndësishëm të marrëdhënies së mira mes dy shteteve dhe të forcave ushtarake.

"Ky investim në teknologjinë më të fundit është një përmirësim i rëndësishëm në aftësitë e Forcave të Armatosura Polake në fushën kryesore të marrjes së të dhënave të zbulimit," shkroi Błaszczak në Twitter.

Ky njoftim ka ardhur pasi vendi u godit nga një raketë prodhuar nga Rusia duke shkaktuar një shpërthim jashtë fshatit rural lindor polak rreth katër milje (6.4 kilometra) në perëndim të kufirit ukrainas, duke vrarë dy fermerë.

Në momentin e ngjarjes, ambasadori i Polonisë në Kombet e Bashkuara Krzysztof Szczerski tha se incidenti “na mëson se sa afër e jetojmë në të vërtetë përshkallëzimin e mundshëm në përhapjen e luftës së agresionit të Rusisë kundër Ukrainës të pasojave të gjera që ne të gjithë mund t'i perceptojmë.

TAG:
• Sebastien Lecornu
• Mariusz Błaszczak
• fermer

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë