U përfshi në aksident dhe goditi me sende të forta shefin e ‘Rrugores’, arrestohet 70-vjeçari në Berat! Në shtëpi i gjendet një pistoletë

Policia e Beratit ka arrestuar 70-vjeçarin Namik Pajo, i cili një ditë më parë, u përfshi në një aksident rrugor ndërsa goditi me sende të forta shefin e Policisë Rrugore.

Sipas raportimeve, rreth orës 10:00 një ditë më parë, në aksin rrugor Berat-Dimal, i moshuari është përfshirë në aksident duke goditur një mjet tjetër.

Pasi ka mbërritur policia, ai ka goditur shefin e ‘Rrugores’ me sende të forta. Gjatë kontrollit që policia ka kryer në banesën e të moshuarit ka gjetur edhe një pistoletë.

Njoftimi i Policisë
U përfshi në aksident rrugor dhe goditi me sende të forta Shefin e Seksionit për Qarkullimin Rrugor. Gjatë kontrollit të banesës iu gjetën dhe iu sekuestruan në cilësinë e provës materiale një armë zjarri pistoletë dhe fishekë luftarakë.

Specialistët e Qarkullimit Rrugor në bashkëpunim me Prokurorinë e Rrethit Gjyqësor Berat, bënë arrestimin në flagrancë të shtetasit N. P., 70 vjeç, banues në Berat, pasi ditën e djeshme rreth orës 10:00, në aksin rrugor Berat-Dimal, duke drejtuar mjetin tip "Benz", është përplasur me një mjet tjetër. Në momentin që kanë arritur shërbimet e Qarkullimit Rrugor në vendin e ngjarjes, shtetasi N. P., ka goditur me sende të forta Shefin e Seksionit për Qarkullimin Rrugor.

Gjatë kontrollit në banesën e shtetasit N. P., iu gjetën dhe sekuestruan në cilësinë e provës materiale një armë zjarri pistoletë dhe fishekë luftarakë. Materialet i kaluan Prokurorisë së Rrethit Gjyqësor Berat për veprime të mëtejshme.

TAG:
• namik pajo
• Berat
• policia berat
• Arrestime

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë