POP 5

Lajmet më të lexuara të 5 minutave të fundit

Sociale

Uji i ndotur në çezma, banorët në Këlcyrë: Po na helmojnë! Ujësjellësi: Mund ta konsumoni

Rreth 200 banorë në një fshat të Këlcyrës ankohen se uji shkon në çezma i ndotur. Ndërsa ndërmarrja e ujësjellësit pretendon se analizat bëhen rregullisht dhe uji mund të konsumohet. Por edhe nga pamjet që sjell kamera e Report tv, uji dukshëm është me ngjyrë.

Banorët e fshatit Bedyqas në Bashkinë Këlcyrë kosumojnë ujë të ndotur.  Uji në çezma shkon i turbullt, me mbetje rëre, ndaj kanë gjetur rrugën e shkurtër duke mbushur ujin e pijshëm nga burimet natyrore.

 “Është me rërë dhe papastërti”, tha një banor, ndërsa pyetjes së gazetarit se si ia bëjnë për të pirë, ai tha se “kemi një çezme këtu në fshat, marrim për të pirë, ndërsa ujin e çezmës vetëm për të larë e përdorim”.

“Atje lart është depoja rrafsh me tokën dhe mund të futet çdo gjë. Ujërat për të larë e shplarë i përdorim, ndërsa për të pirë mbushim me bidonë”.

“Jam me gjithë plakën marrim 10 mijë lek pension. Shesim dy bidona qumësht dhe blejmë ujë”.

“Unë s'paguaj fare e kam prerë ujin me bashkinë, më erdhën ca fatura të larta dhe kam hapur pusin, nuk marr fare nga ujësjellësi”, u shprehën të tjerë banorë të fshatit.

Për të vërtetuar pretendimet e tyre, ne kërkuam nga një banor të demonstronte cilësinë e ujit në rubinetin e shtëpisë.

“Shikoje ujin ...! Këta s’janë në rregull more, po e helmojnë popullin. Shiheni si vjen me mbeturina nga andej (depoja)” Ky ujë vetëm për të vaditur perimet mund të përdoret”, tha banori.

Ndërmarrja e Ujësjellësit të Këlcyrës nuk merr në konsideratë ankesat e banorëve, të cilët rrezikojnë helmimin. Përgjegjësja Dhurata Aliaj pretendon se analizat kryehen periodikisht.

“Sa i përket ankesës bëhet dezinfektimi me klor në depo dhe analizat janë bërë dhe ka dalë që është I pijshëm. Do shkojmë ta verifikojmë nëse nuk është në cilësinë e duhur”, shprehet  Dhurata Aliaj përgjegjëse e Ujësjellësit  

Fshati Bedyqas ka gati 200 banorë dhe përherë përgjatë viteve të fundit, banorët e tij janë ankuar për cilësinë e ujit në rubinetat e banesave të tyre.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit