POP 5

Lajmet më të lexuara të 5 minutave të fundit

Kronikë

'Ulet trau' në doganat tokësore për pulat e importit! Lejohet importi i mishit të pulës vetëm në portin e Durrësit

Çdo ngarkesë me mish pule apo shpendë të gjallë që vijnë nga Kosova, Maqedonia e Veriut, Mali i Zi dhe Greqia do të bllokohen në kufijtë tokësore. Urdhri i Ministrisë së Bujqësisë per ndalimin e perhapjes se gripit te shpendeve, po zbatohet ne çdo dogane, përveç Portit të Durrësit ku ende nuk ka urdhër për bllokimin e mishit të pulës që vjen nga importi.

Shqipëria ka bllokuar importin e mishit të pulës nga të gjitha shtetet fqinje. Autoritet doganore kanë marrë urdhër nga Ministria e Bujqësisë për të ndaluar çdo ngarkesë me mish pule importi si dhe bllokimin e shpendëve të gjallë.

Pas shfaqjes së rasteve të para me gripin e shpendëve, inspektorët e AKU janë stacionuar në pikën e kalimit kufitarë të Morinës që lidh Shqipërinë me Kosovën. Inspektoret ndjekin zbatimin e këtij vendimi duke kontrolluar te gjitha mallrat qe hyjnë ne Morinë.

SHKODRA

Në doganën e Hanit te Hotit që lidh vendin tonë me Malin e Zi ka mbërritur urdhri i Ministrisë së Bujqësisë për ndalimin e importit të shpendëve. Aktualisht nuk po kryhen kontrolle nga AKU, por doganierët janë udhëzuar të njoftojnë AKU-në në rast se do të konstatohen kamionë me shpendë apo produkte të mishit të pulës.

KORÇË

Po kështu edhe në Korçë, ku ndodhen tre pika doganore, Kapshtica Qafë-Thana dhe Gorica po zbatohet udhëri i Ministrisë për të mos lejuar importimin e shpendëve apo produkteve të mishit që vijnë nga Greqia dhe maqedonia e Veriut. Drejtori i AKU ne Korce Adham Papadhami tha se deri më tani nuk është ndaluar asnjë ngarkesë, por nëse konstatohen do të kthehen në vendet e origjinës.

DURRËS

Ndryshe është situata në portin e Durrësit, ku vazhdon normalisht importi i mishit të pulës. Drejtori i AKU-së Ron Shqopa në një komunikim telefonik për Report TV tha se nuk ka ende udhëzim nga ministria e bujqësisë për të bllokuar këto produkte, ndërsa në pikën e kontrollit të portit detar ngarkesat me mish pule i nënshtrohen analizave në laboratorin ushqimor.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit