POP 5

Lajmet më të lexuara të 5 minutave të fundit

Sociale

Ura 'e vdekjes' në Shkopet i mori jetën Nënë Daves! Ishte ndërtuar nga banorët se shteti i braktisi

Nëna Dave, 86 vjeç po kalonte urën me dërrasa mbi lumin Mat për të shkuar në shtëpinë e saj në fshatin Shkopet të Kurbinit kur humbi ekuilibrin dhe u rrëzua duke humbur jetën.

Lezhe - Mesditën e 4 marsit (2024) Nëna Dave, 86 vjeç po kalonte urën me dërrasa mbi lumin Mat për tu kthyer në shtëpinë e saj në fshatin Shkopet të Kurbinit kur u rrëzua e humbi jetën.

Banorët kishin vite që e kishin ndërtuar urën me dërrasë e kavo, si e vetmja mënyrë për ti ardhur në ndihmë vetes pasi ishin harruar nga shteti. Dje (4 marsit 2024) nëna Dave e kishte kaluar për të shkuar tek fqinja e vet, e në mesditë teksa po kthehej duhej të kalonte sërish urën 30 metra të lartë kur humbi ekuilibrin e ra në lum.

Ura që kishte qenë në Shkopet ishte shembur në 2010 nga shkarkimet e HEC-it. Që prej asaj kohe asnje masë nuk u mor për ti dhënë zgjidhje problematikes.

Kështu vendosën ta ndërtonin vetë me kontributin e tyre. Prej vitesh çdo ditë sfidojnë frikën dhe rrezikun duke kaluar në këtë urë me gjatësi 70 metra dhe lartësi 30 metra mbi lumin Mat pa asnjë element sigurie.

E vdekja e nëna Daves nxjerr në pah edhe më shumë rrezikun që u kanoset nga kjo urë me gjatësi 70 metra dhe lartësi 30 metra mbi lumin Mat.

"Ka 10 vite e kusur që në 2010. E kemi bërë vetë ne. Kalojnë për punë për çdo gjë. Kemi futur 5 lekë njëri e 5 lekë tjetër" thotë një banor i fshatit që ka mbetur me gati 50 banorë.

Ura u shërben dhjetra banorëve të fshatit Shkopet, ndërsa projekti i ures është hartuar prej vitesh, por nuk është financuar. Përballë kësaj situate shumë banorë janë larguar por dhe ata që kanë mbetur do të largohen nëse autoritetet nuk ndërhyjnë. 

"Ku shihet shteti këtu?!  Kanë ikur a i sheh shtëpitë. Kanë ikur nga ura" tregon banori.

Në situatë të ngjashme ndodhet dhe ura e fshatin Skuraj e cila ndodhet 3 km më poshtë, duke qenë një rrezik mjaft serioz për kalimtaret. Ura mund të përdoret nga dy familje, pasi pjesa tjetër ka rrugë kalimi.  

1709639998_Screenshot10.jpg

Ura e Skuraj

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 06/03/2024 02:15

    Po per cfare ka kohe shteti,per satelite,akademi barinjsh,investime strategjike,apo debit-cards per pensionistet?

    Përgjigju
  • Or tej: 05/03/2024 14:41

    Shteti nuk ka kohe per ura or teeeejjjjj

    Përgjigju
  • Leka: 05/03/2024 14:11

    Ngushellime familjes. Por mos beni propogande negative per qurravine Rama. Ajo pret shirita bazash ajrore e po stivos bajraktaret drona e ti thua ura me drrasa...

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit