POP 5

Lajmet më të lexuara të 5 minutave të fundit

‘Vajza është gjallë, 2 burra e mbajnë pa dëshirën e saj’, letra tronditëse por që jep shpresë për gjetjen e Artemisës, 19-vjeçaren shqiptare të zhdukur prej kohësh

Detaje të reja dalin në sipërfaqe në lidhje me zhdukjet e 19-vjeçares me origjinë shqiptare, Artemis Vasilis në Greqi. Ka një letër tronditëse të publikuar nga mediat greke, ndërkohë që ka edhe shpresë se ajo mund të jetë gjallë.

‘Vajza është gjallë, 2 burra e mbajnë pa dëshirën e saj’, letra tronditëse por që jep shpresë për gjetjen e Artemisës, 19-vjeçaren shqiptare të zhdukur prej kohësh

Artemis Vasilis dhe momenti i funditi kapur nga kamerat e sigurisë

Detaje të reja dalin në sipërfaqe në lidhje me zhdukjet e 19-vjeçares me origjinë shqiptare, Artemis Vasilis në Greqi. Ka një letër tronditëse të publikuar nga mediat greke, ndërkohë që ka edhe shpresë se ajo mund të jetë gjallë. Letra i ka shkuar familjes thotë se ajo është në jetë dhe mbahet pa dëshirën e saj nga 2 burra të cilët e zhvendosin herë pas herë./

“Kushtojini vëmendje këtij informacioni, është serioz. Artemis Vassilis është gjallë. Ajo po mbahet kundër dëshirës së saj nga dy burra. Herë pas here ajo transferohej në një lokacion tjetër dhe një lëvizje e tillë ishte bërë pak ditë më parë për faktin se çështja ishte rihapur dhe shfaqur në kanale. MENJËHERË TË NDASH CDO INFORMACION TË PUBLIKUT PASI AKTORËT TË MONITOROHEN DHE JANË NE ALARM”, shkruhet në letrën e dërguar. Po ashtu në këtë letër, personi në fjalë që e ka dërguar tregon koordinata në Koropi nga është zhdukur Artemida.

Zarfi me të cilin është dërguar letra

Artemis Vasili u zhduk më datë 15 tetor 2020 në Koropi, teksa familjes i kishte thënë se po shkonte për të dhënë një intervistë pune, por nuk u kthye më. Mediat greke citojnë disa dëshmitarë që janë shprehur se e kanë parë vajzën shqiptare në një gjendje të keqe psikologjike. Vajza është parë duke qarë e vetme në një rrugë kryesore të Athinës. Tre janë dëshmitë. Konkretisht pak pas zhdukjes, një grua tha se e pa vajzën 19-vjeçare në një gjendje shoku dhe duke qarë e vetme në rrugë. Gruaja iu afrua vajzës dhe u përpoq ta ndihmonte ndërsa Artemis u largua.

Një tjetër dëshmitar deklaroi se duke zbritur në stacionin e autobusit e pa 19-vjeçaren të trembur dhe duke ikur me nxitim. Gjithashtu një informacion tjetër erdhi se vajzës i kishte rënë të fikët në rrugë, por sapo ishin afruar njerëzit ishte shprehur se ishte mirë dhe ishte larguar. Për herë të fundit vajzën me origjinë shqiptare e kapën kamerat duke shkuar në një stacion autobusi, ndërsa më pas janë vetëm dëshmitë e qytetarëve.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit