POP 5

Lajmet më të lexuara të 5 minutave të fundit

Kronikë

Vendoset muralja e parë në varrezën publike të Fierit! Përgjegjësi i varrezës: Kostoja 400 mijë lekë, paguhet nga familjarët! Toka për varre të reja po ezaurohet

Në varrezat e Fierit është vendosur muralja e parë. Përgjegjësi i varrezës publike sqaron se një murale përmban eshtrat e vjetra të 40 personave, ndërsa bën thirrje për zbatimin e kësaj praktike pasi toka për varre po ezaurohet.

Të afërmit të cilët prehen në varrezën e Fierit, familja Beltoja ka zgjedhur t'i vendosë në murale. Është e para e këtij lloji në Fier dhe vjen në kohën kur toka për varre të reja po ezaurohet çdo ditë.

Përgjegjësi i varrezës publike, Edmond Strati shprehet se në këtë murale mund të vendosen deri në 40 eshtra dhe shërben kryesisht për familjet apo fiset e mëdha. Më tej shpjegon se procesi i zhvarrimit dhe ndërtimi i murales kushton rreth 400 mijë lekë, kosto që paguhet nga familja.

"Projektet e muraleve janë nga më të ndryshmet të huazuara nga Italia e Greqia. Konkretisht është zbatuar një projekt që është magazinimi i eshtrave. Bëhet varrimi në tokë dhe pas disa vitesh merren dhe depozitohen në këto rafte."-thotë Strati.

Ai shprehet se praktika e muraleve duhet të aplikohet për të gjitha varret e vjetra, kur eshtrat kanë kaluar mbi 10 vitet nën tokë.

"Prej 16 vitesh që punoj këtu. U kam bërë thirrje familjeve fierake që kanë 30-40 varre këtu të bëjnë varrezë murale. Vit për vit blihet tokë nga 3 mijë deri në 4 mijë metra katrorë, këto janë shpenzime të taksapaguesve shqiptarë. Ndaj nëse mblidhen eshtrat në murale, varreza e Fierit mbetet siç është për disa vite pa pasur nevojë për parcela te reja."-shprehet Strati.

Referuar statistikave zyrtare në varrezën publike të Fierit me sipërfaqe 16 hektarë janë 90 mijë varre. Në kushtet kur hapësira po ezaurohet, Bashkia është në proces shpronësimi për 5 dynym tokë. Ndërsa ligji për muralet i miratuar 15 vite më parë gjen pak zbatim, jo vetëm në Fier por në mbarë vendin.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit