VIDEO/ Tirana kalon Partizanin dhe merr kreun e Superligës, bardheblutë 'poker' Kastriotit! Emiljano Çela largohet nga krutanët

Tirana fitoi 4-0 me Kastriotin për javën e 13-të në Superligës. Në "Air Albania" djemtë e Orges Shehit kanë vulosur tri pikët qysh në pjesën e parë, aty ku u shënuan tre gola. Për kampionët në fuqi të Shqipërisë shënuan Xhixha në minutën e 14-të, Kallaku në të 36 minutë, Patrick në minutën e 45 dhe Nikqi në minutën e 84. Pas ndeshjes trajneri i krutanëve, Emiljano Çela ka dhënë dorëheqjen nga posti. 37 vjeçari shpjegoi se nuk kishte shumë ndikim humbja e sotme teksa gjithçka ndodh për arsye personale.

Bardheblutë nuk e vendosën asnjëherë në diskutim ndeshjen, duke shënuar qysh në minutën e 14-të me Xhixhën. Sulmuesi bardheblu gaboi nga 11 metra teksa në vijimin e aksionit e dërgoi topin pas shpinës së portierit Sali.

Për të vulosur tri pikët mendoi Kallaku në minutën e 36. Kur pritej që pjesa e parë të mbaronte me këtë rezultat, Patrick me golin e tij e dërgoi rezultatin në 3-0. Edhe në 45 minutat e dyta skuadrat patën shumë raste, me Nikqin që shënoi për 4-0 në fundin e ndeshjes.

Me këtë tri pikësh Tirana rikthehet në krye të Superligës me 25 pikë, duke lënë Partizanin me 23 pikë në vendin e dytë. Egnatia dhe Erzeni kanë nga 21 pikë për vendet tre dhe katër. Në fund Kukësi, Bylis dhe Teuta. Sulmuesi i Tiranës, Redon Xhixha shkon në 11 gola në krye të listës së golashënuesve.

TAG:
• superliga shqiptare

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë