Viktor Orban humb Budapestin dhe shumë qytete tjera në Hungari

Kandidati i opozitës, Gergely Karacsony, fitoi të dielën zgjedhjet lokale, duke mposhtur partinë në pushtet dhe duke dërguar një mesazh të fortë për qeverinë nacionaliste-populiste të kryeministrit Viktor Orban.

Partitë e opozitës fituan kryeqytetin Budapest dhe gjithashtu qytete të tjera.

Karacsony e quajti fitoren e tij “një shembull mbi demokracinë” pasi Istvan Tarlos i mbështetur nga Fidesz pranoi humbjen, njoftojnë mediat.

Me shumicën e votave të numëruara, Karacsony, 44 vjeçar, kishte mbështetjen e më shumë se 50 përqind të votuesve në kryeqytet, krahasuar me pak më shumë se 44 përqind për Tarlos, kryetarin e Budapestit që nga viti 2010.

Rezultatet paraprake treguan se Fidesz dominoi në zonat rurale, ku partia e Orban e njohur si “demokracia joliberale” gëzon ende popullaritet.

Është hera e parë që Fidesz ka humbur zgjedhjet që prej ardhjes në pushtet, nëntë vjet më parë, megjithëse kontrolli i partisë në pushtet mbetet i fortë me një super mazhorancë në parlament.

Opozita përfitoi nga një mbështetje në minutat e fundit për Karacsonyn, në Budapestin relativisht liberal dhe nga publikimi i një skandali seksual që preku kryetarin e një komune në perëndim të Hungarisë nga partia Fidesz.

Disa komentues e kanë krahasuar fitoren e Karacsony në Budapest me fitoren e garës për kryetar të Stambollit këtë verë, kur triumfi i koalicionit opozitar i dha një goditje pushtetit autoritar të presidentit turk Rexhep Tajip Erdogan.

TAG:
• istván tarlós
• Viktor Orban
• Hungari
• Fidesz
• Gergely Karacsony

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë