POP 5

Lajmet më të lexuara të 5 minutave të fundit

Bota

Vrasja e italianes nga 41-vjeçari kosovar, dy vite më parë një maroken përndoqi 27-vjeçaren

Raportohet se 27-vjeçarja italiane është përndjekur nga një burrë tjetër në vitin 2022, të cilin e kishte takuar disa muaj para Fandajt.

Vrasja e italianes nga 41-vjeçari kosovar, dy vite më parë një maroken përndoqi 27-vjeçaren

Vrasësi Bujar Fandaj dhe viktima Vanessa Ballan

Detaje të reja janë bërë publike nga mediat italiane në lidhje me 27-vjeçaren Vanessa Ballan, e cila u vra me thikë nga 41-vjeçari kosovar, i identifikuar si Bujar Fandaj.

Raportohet se 27-vjeçarja italiane është përndjekur nga një burrë tjetër në vitin 2022, të cilin e kishte takuar disa muaj para Fandajt.

Corriere del Veneto bën me dije burri tjetër ishte me origjinë nga Maroku. Ai ngacmonte italianen në supermarketin ku punonte, i telefononte në mënyrë të vazhdueshme, si dhe e kërcënonte.

Asokohe 27-vjeçarja denoncoi në polici marokenin duke bërë që të hapej një çështje penale kundrejt tij, e cila u mbyll më vonë pasi Vanessa Ballan tërhoqi denoncimin.

Një denoncim të ngjashëm Vanessa bëri dhe për kosovarin 41-vjeçar, më 25 tetor të këtij viti, nën shoqërinë e bashkëshortit të saj, Nicola Scapinello.

Ministri i Drejtësisë në Itali, Carlo Nordio u kërkoi zyrave kompetente të Dikasterit të merrnin një raport të detajuar dhe të hetonin pse nuk ishte vepruar në rastin e denoncimit të përndjekjes së dytë.

Vanessa Ballan u vra në pragun e shtëpisë e goditur të paktën shtatë herë më thikë nga ish-i dashuri. Pas një viti lidhje, 27 vjeçarja kishte vendosur t’i jepte fund gjatë verës, por shqiptari nga Kosova nuk e kishte pranuar ndarjen. Ky i fundit kishte filluar ta përndiqte duke u shfaqur disa herë në vendet ku ajo punonte, apo dhe në shtëpinë e saj duke e kërcënuar se "do ta vriste" në rast se nuk ribashkoheshin. 41-vjeçari nga Kosova donte që e reja shtatzënë të ndahej nga partneri i saj dhe të shkonte të jetonte me të në San Vito di Altivole, pak kilometra nga Spineda di Riese Pio X (Treviso), ku ndodhi tragjedia.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit