POP 5

Lajmet më të lexuara të 5 minutave të fundit

Bota

Ylli i 'Squid Game' , 79-vjeç, dënohet për sulm seksual

Ylli serialit të famshëm koreano-jugor, ‘Squid Game’, aktori O Yeong-Su, është dënuar me tetë muaj burg me kusht, për sjellje të pahijshme seksuale nga një gjykatë në Korenë e Jugut

Ylli i 'Squid Game' , 79-vjeç, dënohet për sulm seksual

O Yeong-Su

Ylli serialit të famshëm koreano-jugor, ‘Squid Game’, aktori O Yeong-Su, është dënuar me tetë muaj burg me kusht, për sjellje të pahijshme seksuale nga një gjykatë në Korenë e Jugut. Po ashtu aktori është urdhëruar gjithashtu të ndjekë mësimet për dhunën seksuale.

79-vjeçari u akuzua në vitin 2022 për sulm seksual dy herë ndaj një gruaje.

Sulmet ndodhën pesë vjet më parë kur aktori ishte duke qëndruar në një zonë rurale për një shfaqje teatrale në vitin 2017, raportoi AFP.

Aktori ka thënë se do të apelojë vendimin.

Akuzat ishin se ai përqafoi një grua dhe e puthi në faqe kundër dëshirës së saj, raportoi agjencia e lajmeve Yonhap.

Sipas AFP, gjykatësi Jeong Yeon-ju tha se të dhënat e viktimës për sulmin dhe pretendimet e saj ishin "të qëndrueshme ... dhe duket se janë deklarata që nuk mund të bëhen pa i përjetuar ato".

O kishte mohuar pretendimet të cilat, sipas Gjykatës së Qarkut Suwon, u zhvilluan në një shteg ecjeje dhe përpara banesës së viktimës.

Aktori fitoi famë ndërkombëtare pasi luajti në serialin Squid Game.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit