POP 5

Lajmet më të lexuara të 5 minutave të fundit

Opinion

Ylli Pata: Lulzim Basha i përgjigjet 'Foltores'... Hap garën 'një anëtar një votë' brenda PD-së

Në kohën kur  Sali Berisha ka thirrur një “Kuvend” të mbështetësve të tij që e konsideron si institucion të Partisë Demokratike, Lulzim Basha i është përgjigjur duke hapur një garë vote brenda PD-së.

Ylli Pata: Lulzim Basha i përgjigjet 'Foltores'... Hap garën 'një anëtar një votë' brenda PD-së

Kreu i PD-së, lulzim Basha

Në kohën kur  Sali Berisha ka thirrur një “Kuvend” të mbështetësve të tij që e konsideron si institucion të Partisë Demokratike, Lulzim Basha i është përgjigjur duke hapur një garë vote brenda PD-së.

Siç bëhet e ditur nga selia blu. PD ka hapur garën për të zgjedhur kryetarin e Forumit Rinor të Partisë Demokratike, sipas parimit “një anëtar, një votë”.

Procesi ka nisur sot, me anë të një udhëzimi të Lulzim bashës, i cili udhëzoi nisjen e procesit të rifreskimit të strukturave dhe ngritjen e një grupi pune që do të mbikqyrë procesin, pasi mandati i shumicës dërrmuese të drejtuesve të FRPD-së ka mbaruar dhe një pjesë e drejtuesve kanë tejkaluar moshën.

Aktualisht kryetar i FRPD-së është Belind Këlliçi, i cili edhe pse nuk njihet si mbështetës i Bashës, nuk është atashuar si mbështetës i Foltores.

PD, bën të ditur se Kryetari i FRPD-së dhe i forumeve drejtuese kanë mandat 4 vjeçar, ndërsa anëtarët e FRPD-së mund të jenë pjesë e forumit deri në moshën 35 vjeç.

Grupi i posaçëm i punës për zgjedhjet në FRPD përbëhet nga: Oriela Nebiaj,  Hergert Alimerko  Dario Sejdini,  Enkelejda Rica, Juela Hamati  dhe Anita Doçi

Ky grup do të mbikqyrë mbarëvajtjen dhe organizimin e procesit të anëtarësimeve, rifreskimit të të dhënave dhe zgjedhjeve në të gjitha nivelet dhe strukturat e Forumit Rinor.

Menjëherë pas përfundimit të procesit të anëtarësimeve dhe riorganizimit, do të vijohet me zgjedhjen me 1 anëtar, 1 votë të kryetarit dhe zgjedhjen e strukturave drejtuese të FRPD-së në nivel qendror dhe lokal.

Zgjedhjet për kryetar të FRPD-së janë mbajtur për herë të fundit në dhjetor 2015 dhe mandati i kryetarit dhe forumeve drejtuese kanë mbaruar në vitin 2019. TemA

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit