Zbardhet grabitja e kambistit në Korçë, autorët vodhën 4 mln lekë të reja! 33-vjeçari i arrestuar nuk pranon të flasë në polici

Autori i arrestuar ditën e djeshme për grabitjen e një banese në Korçë nuk ka pranuar të flasë përpara policisë.

Ai është identifikuar si Agim Çaçi nga Moglica dhe banues në Durrës nëpërmjetshenjave të gishtave të marra në spitalin e Korçës.

Policia njofton se 3 autorët vodhën një shumë prej 4.000.000 lekë nga banesa e 57-vjeçarit Shefqet Muço.

"Specialistët për Hetimin e Krimeve në Komisariatin e Policisë Korçë, nën drejtimin e Prokurorisë pranë Gjykatës së Shkallës së Parë Korçë, në vijim të punës intensive hetimore për zbardhjen dhe dokumentimin e ngjarjes së ndodhur më datë 11.01.2021, në lagjen nr. 1 të qytetit të Korçës, ku tre shtetas i vodhën me dhunë një sasi prej 4.000.000 lekësh, shtetasit Sh. M., 57 vjeç, para banesës së tij, bënë arrestimin në flagrancë të shtetasit A. Ç., 42 vjeç, banues në Durrës, si edhe shpallën në kërkim shtetasin M. A., 33 vjeç, banues në Korçë" - njofton policia.

Materialet në ngarkim të tyre i kaluan Prokurorisë pranë Gjykatës së Rrethit Gjyqësor Korçë, për veprat penale "Vjedhja me dhunë" e kryer në bashkëpunim dhe "Plagosja e rëndë me dashje".

Ngjarja ndodhi mëngjesin e djeshëm rreth orës 06:10 në lagjen nr.1 në rrugën e "Bilbilave" ku tre persona grabitën banesën e kambistit Shefqet Muço.

Ata vodhën një shumë të konsiderueshme parash dhe u larguan ndërsa Agim Çaçi u përlesh me Muçon, ndaj dhe u arrestua nga policia.

TAG:
• grabitje
• Korce
• shefqet muco
• agim caci

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë