POP 5

Lajmet më të lexuara të 5 minutave të fundit

Politikë

Zgjedhjet e Himarës, kutia që i surprizoi të gjithë, Tavo fitoi 98% të votave në fshatin Tërbaç! 7 vota mori Gjikuria, 3 ishin të komisionerëve

Kandidati socialist fitoi bindshëm në zonën e Lumit të Vlorës, si; Vranisht, Bolenë dhe Kuç. Në Tërbaç rezultati ishte 330 vota për Tavon dhe 7 për Gjikurinë, ku 3 prej tyre ishin të komisionerëve opozitarë

Zgjedhjet e Himarës, kutia që i surprizoi të gjithë, Tavo fitoi 98% të votave në fshatin Tërbaç! 7 vota mori Gjikuria, 3 ishin të komisionerëve

Moment nga procesi i numërimit të kutive në Himarë

Himare- Kandidati socialist Vangjel Tavo fitoi me një diferencë të ndjeshme votash ndaj rivalit të tij opozitar Petro Gjikuria. Por përveç 1477 votave diferencë, ose më shumë se 17% nga përfaqësuesi i koalicionit “Bashkë Fitojmë”, ra në sy detaji i disa kutive në fshatrat e zonës së Vlorës, që janë nën administrim nga Bashkia Himarë dhe që i kanë dhënë avantazh të ndjeshëm socialistit Tavo.

Sipas shifrave zyrtare nga Komisioni i Numërimit Himarë, por edhe KQZ në grafikët sqarues, bie në sy se socialisti ka marrë bindshëm vota në Lumin e Vlorës, pikërisht në fshatrat Tërbaç, Vranisht, Bolenë e Kuç.

Foto: Tabela e rezultateve të KQZ-se për zgjedhjet e 4 gushtit në Himarë, për Hore Vranisht

Më e veçanta ka qenë ajo e kutisë 4589, në fshatin Tërbaç, ku pas numërimit rezultoi se Tavo mori 330 vota, kurse rivali i tij Gjikuria 7 vota, teksa 3 prej tyre supozohet se ishin votat e komisionerëve të opozitës. E përkthyer në shifra elektorale, në këtë qendër Tavo ka fituar me 98% e votave, rast gati i paprecedentë në zgjedhje.

Foto: Tabela e rezultateve të KQZ-se për zgjedhjet e 4 gushtit në Himarë, për qendrën e fshatit Tërbaç.
 

Në total sipas KQZ, Tavo ka marrë 5022 vota përballë rivalit të tij, Petro Gjikuria, i cili ka marrë 3545 vota.

Foto: Tabela e rezultateve të KQZ-së për zgjedhjet e 4 gushtit në Himarë, për Lukovën

Siç paraqesin dhe shifrat e KQZ-së, nga 36 kuti, Tavo ka fituar me 58.62 % të votave, kurse Gjikuria pak më shumë se 41%. Tani pritet vetëm që KQZ të ligjërojë mandatin e kryebashkiakut të ri.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit