Zyrtari i Paraguajit bie në 'grackën’ e mashtruesit të arratisur, firmos marrëveshje me vendin imagjinar, jep dorëheqjen

Një zyrtar i qeverisë së Paraguajit është zëvendësuar pasi nënshkroi një marrëveshje me "përfaqësuesit" e një vendi imagjinar që ishte “shpikur” nga një mashtrues indian në arrati pas një dënimi për përdhunim.

Arnaldo Chamorro u zëvendësua nga posti i shefit të shtabit të ministrisë së Bujqësisë të Paraguajit të mërkurën, menjëherë pasi u zbulua se nënshkroi një memorandum mirëkuptimi me "përfaqësuesit" e pretenduar të Shteteve të Bashkuara të "Kailasës" që nuk ekzistonte.

Në faqen e internetit të Kailasa-s, vendi imagjinar përshkruhet si "ringjallja e kombit të lashtë qytetërues të shkolluar hindu nga hindutë e zhvendosur nga e gjithë bota".

Shteti i "shpikur" drejtohet nga një guru (i vetëquajtur), Nithyananda, i cili kërkohet në Indi për disa akuza, duke përfshirë sulmin seksual. Nuk dihet vendndodhja e tij.

Marrëveshja që ai nënshkroi shprehte një "dëshirë dhe rekomandim për qeverinë e Paraguajit që të shqyrtojë dhe të kërkojë  vendosjen e marrëdhënieve diplomatike me Shtetet e Bashkuara të Kailasës".

Marrëveshja që mbante vulën zyrtare të ministrisë së Paraguajit, premtonte gjithashtu "të mbështeste pranimin e Shteteve të Bashkuara të Kailasës si një shtet sovran dhe i pavarur në organizata të ndryshme ndërkombëtare, duke përfshirë, ndër të tjera, Kombet e Bashkuara".

TAG:
• Paraguaj
• mashtrim
• Arnaldo Chamorro

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë