POP 5

Lajmet më të lexuara të 5 minutave të fundit

Sociale

94 programe studimi rrezikojnë të mbyllen! Në universitetin e Elbasanit 11 degë pa asnjë student! Te Infermieria ezaurohen 99.1% e kuotave

94 degë në të gjithë vendin rrezikojnë të mbyllen, shumë prej të cilave të shpallura prioritare. Në raportin “Metamorfoza e Universiteteve”, Qëndresa Qytetare konstatoi se Ligji i ri për Mjekësinë, i ka orientuar studentët drejt Infermierisë.

Nga 308 programe studimi në vend, 94 prej tyre rrezikojnë të mbyllen pasi kanë pak studentë. Universiteti i Elbasanit mban vendin e parë me 21 degë që rrezikojnë mbylljen dhe në 11 prej tyre nuk ka asnjë student.

“Janë 80 degë prioritare në total dhe rrezikojnë të mbyllen 33, pra 41% e tyre sepse kanë më pak se 10 student. Pavarësisht përpjekjeve për t’i futur në një grackë studentët që të regjistrohen tek këto degë nuk ka funksionuar. Nga ana tjetër dhe në Gjirokastër 22 programe, 9 mbyllen", tha aktivisti Gevio Tabaku.

Ligji detyrues i studentëve të Mjekësisë për të punuar 2-5 vite në Shqipëri pas diplomimit ndikoi që dega më e preferuar të ishte infermieria me 99.1% të kuotave të ezauruara. Për zv.dekanin e Universitetit të Mjekësisë Ilir Alimehmeti ligji i miratuar ka dhënë efektet e para negative.

“Dhe po të pyesim e të bëjmë llogaritë akemi nevojë ne për 4 mijë infermierë në vit , në Shqipëri del qartë se nuk kemi nevojë për aq, për mjek kemi nevojë. Jo për 400, por për 800,  1 mijë. Diploma është e studentëve dhe ia jep Universiteti kur mbaron sudimet. Diploma u takon studentëve", tha  zv.dekani i UMT Ilir Alimehmeti.

Në raportin monitorues “Metamorfoza e Universiteteve” nga Qëndresa Qytetare u konstatua se pavarësisht trajtimit me bursë sa paga minimale për degët prioritare mungon interesi i studentëve, kryesisht në degët e mësuesisë.

(Kliko këtu për Raportin “Metamorfoza e Universiteteve”)

 

 

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Populli: 14/10/2023 08:35

    Shume mire e kane qe nuk aplikojne,fundja do humbasin 4 vite per te marre nje diplome dhe do perfundojne kamarjer banakjer.Me mire te ikim ne Gjermani qe tani se rrugen per tu largu nga ky vend e kemi te gjithe.Ketu vetem Politikanet me Indjanet qe po marrin nga jashte do ngelen

    Përgjigju
  • Toni: 13/10/2023 22:48

    Te gjithe per Gjermani. Nuk kane faj se nuk jetohet ne kete vend muti.

    Përgjigju
  • Ndergjegja: 13/10/2023 18:47

    Ligji deryrues per studentet e mjeksise duhet te shkoj patjeter ne GJYKATEN KUSHTETUESE. Kerkesa duhet te nenshkruhet masivisht nga tere studentetet,jo vetëm ata te vitit pare 2023-2024......

    Përgjigju
  • tefiku: 13/10/2023 18:14

    Keshtu eshte kur hapen universitete shteterore pa mbarim dhe te gjithe kane pothuaj po te njejtat dege.Mbushen me lloj lloj kungujsh si pedagoge qe nxjerrin po kunguj.Qeveritaret e ketyre 30 vjeteve jane fajtore per kete.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit