POP 5

Lajmet më të lexuara të 5 minutave të fundit

Politikë

Arrestimi i mjekut për ryshfet, 'Rithemelimi' i del në mbrojtje: Show i Ramës për të mbuluar mbylljen e shkollës 'Mehmet Akif'

Nëpërmjet një deklarate për shtyp, mjeku Erges Eskiu, thotë se arroganca e qeverisë ndaj mjekëve nuk mjafton vetëm me largimin e tyre

Arrestimi i mjekut për ryshfet, 'Rithemelimi' i del në mbrojtje: Show i Ramës për të mbuluar mbylljen e shkollës 'Mehmet Akif'

Pamje nga arrestimi i mjekut

Rithemelimi ka cilësuar arrestimin e mjekut reanimator Fetim Marku, i cili u kap duke marrë ryshfet, si një show, të Edi Ramës për të mbuluar skandalin e mbylljes së shkollës "Mehmet Akif".

Nëpërmjet një deklarate për shtyp, mjeku Erges Eskiu, thotë se arroganca e qeverisë ndaj mjekëve nuk mjafton vetëm me largimin e tyre.

‘Mijëra studentë të mjekësisë qindra mjek me eksperiencë mendojnë vetëm të ikin dhe arsyeja është vetëm një, kjo qeveri nuk ofron mbështetje, alternativë, inkurajim për punën e tyre përtej sakrificës.’- u shpreh ai.

Sipas Rithemelimit, profesioni i mjekut është shndërruar në një punë e cila sipas Ramës duhet t'i shërbejë nesër patronazhistëve, rrjedhimisht shkatërrimit të zinxhirit profesional për të cilën mjekët kanë dhënë betimin e "Hipokratit".

‘Fakti është arrestimi i mjekut në Qendrën e Traumës, i shoqëruar me policë me maska sikur të ishte krimineli më i kërkuar në vend.’- tha ai.

Mjeku thotë se pamjet e arrestimit të mjekut, nuk po shihen më prej vitesh kundër bandave të cilat me qeverinë e Ramës, ikin dhe zhduken në drejtim të paditur, sepse janë po këto banda që e mbajnë në pushtet.

‘Shfaqja u bë për të mbuluar veprimin e fundit jonormal të Ramës; mbylljes së shkollës Mehmet Akif me të cilën Edi Rama dëshmoi qartë se është i marrë peng prej Erdoganit dhe po e bën Shqipërinë një shtet satelit të Turqisë.’- e përmbyll fjalën e tij Eskiu.

Mjeku reanimator, Fitim Marku u arrestua pas denoncimeve të qytetarëve për marrje ryshfeti. Ai mori 20 mijë lekë nga një agjent i infiltruar, duke përfunduar në pranga së bashku me infermieren dhe një mjek tjetër. Nga hetimet e kryera deri më tani, rezultonte se këto persona, merrnin shuma të konsiderueshme parash nga pacientë të ndrydhëm për kryerjen e skanerave pranë Spitalit të Traumës në Tiranë.

M.Q./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjeegjeza: 25/09/2022 14:40

    Cojini nje agjent dhe atij mjekut te famshem ne tirane qe eshte neurokirurg dhe dhe e din te gjithe kush eshte dhe ka mar rryshfet ne ne 30 vite demokraci,eshte dhe shoku sales,mos coni agjenta vetem per mjeket qe skan njohje me politiken,, e gjeni dot se kush eshte?? Kollaj fare

    Përgjigju
  • Mergimtari: 25/09/2022 13:28

    A do te vi ndonje moment qe PD-ja dhe opozitat te thone qe korrupsioni eshte korrupsion dhe duhet ndeshkuar.Sa here qe behet nje perpjekie ,sado e vogel,menjeher dilet ne mbrojtje te shkelsit te ligjit.Kjo menyre u bene te pa besueshem dhe nuk u shton vota.Fatkeqesi per vendin.

    Përgjigju
  • Liku: 25/09/2022 12:19

    Vazhdoni me kasapet e mjekesis te operojne kur nuk ke nevoje te zvasin para sipas deshires tyre te nxjerrin nga spitali me keq, mjeket human jane kthyer ne materjalista.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit